అదిత్య 999 మ్యాక్స్.. మరో క్రేజీ లీక్ ఇచ్చిన బాలయ్య!

నందమూరి బాలకృష్ణ హోస్ట్‌గా అలరించనున్న అన్‌స్టాపబుల్ సీజన్ 4లో ఆహా ఓటీటీలో ప్రసారం అయిన ఆరవ ఎపిసోడ్ ప్రేక్షకులను ఆకట్టుకుంది. ఈ ఎపిసోడ్‌లో నవీన్ పొలిశెట్టి, శ్రీలీల గెస్టులుగా పాల్గొని తమ సెన్సేషనల్ ప్రెజెన్స్‌తో సందడి చేశారు. నవీన్ పొలిశెట్టి తన కామెడీ సమాధానాలతో ఎపిసోడ్‌ను మరింత రసవత్తరంగా మార్చారు. అలాగే ఎపిసోడ్‌లో బాలకృష్ణ ఆదిత్య 369 లో చేసిన క్రిష్ణ కుమార్ గెటప్‌లో ప్రేక్షకులను ఆకట్టుకున్నారు.

ప్రేక్షకులతో మాట్లాడుతూ, "అదిత్య 999 మ్యాక్స్" సినిమాను తన కుమారుడు మోక్షజ్ఞతో భారీ బడ్జెట్, అద్భుతమైన టెక్నాలజీతో తీసుకురాబోతున్నట్లు ప్రకటించారు. ఈ సినిమాపై అభిమానుల్లో భారీ అంచనాలు నెలకొన్నాయి. ఇది నందమూరి వంశానికి మరో గౌరవం తెచ్చే ప్రాజెక్ట్‌గా నిలవనుందని చెప్పవచ్చు. ఇక ఈ ప్రోగ్రాం లో నవీన్ పొలిశెట్టి అవకాశాల కోసం ప్రయత్నం చేస్తున్న టైమ్ లో ఎదురైన కష్టాలను, ముంబైలోనూ హైదరాబాద్‌లోనూ చేసే ప్రయత్నాలను బాలయ్యకు వివరించారు.

జాతిరత్నాలు ఫేమ్ అయిన నవీన్, తన కామెడీ పంచ్ లతో ఎపిసోడ్‌ను ఎంటర్‌టైనింగ్‌గా మార్చాడు. బాలకృష్ణ నవీన్ టాలెంట్ ను ప్రశంసించి, అతడి భవిష్యత్తుకు మంచి విజయాలు రావాలని కోరుకున్నారు. ఇక శ్రీలీల స్టేజ్‌లోకి అడుగుపెట్టగానే బాలయ్య భగవంత్ కేసరి తరహా పాత్రలో పలకరించి అభిమానులను ఆకట్టుకున్నారు. ఇద్దరూ కలిసి "కిసిక్" పాటకు చేసిన డాన్స్ హైలైట్‌గా నిలిచింది. బాలయ్య తన ప్రత్యేకమైన డాన్స్ స్టెప్పులతో నవీన్, శ్రీలీలతో సందడి చేశారు.

డాక్టర్ నరేంద్రను గౌరవించడంతో పాటు, శ్రీలీల తల్లి డాక్టర్ స్వర్ణలతను కూడా ఎపిసోడ్‌లో ప్రత్యేకంగా ఆహ్వానించారు. ఇది ఎపిసోడ్‌కు మరింత విలువను తీసుకొచ్చింది. బాలకృష్ణ హోస్టింగ్‌లో వినోదంతో పాటు స్ఫూర్తిదాయకమైన క్షణాలు ఎప్పుడూ ఉంటాయని ఈ ఎపిసోడ్ మరోసారి నిరూపించింది. ముఖ్యంగా బాలయ్య డైలాగ్స్ కూడా హైలెట్ అయ్యాయి.

నవీన్ పొలిశెట్టితో పాటు, శ్రీలీల అనుభవాలు, బాలయ్య డాన్స్, ర్యాపిడ్ ఫైర్, లై డిటెక్టర్ పరీక్షలు ఎపిసోడ్‌ను మరింత అందంగా తీర్చిదిద్దాయి. ఇక బాలయ్య సెంటిమెంట్ టచ్ ఎపిసోడ్‌కు ప్రత్యేక ఆకర్షణగా నిలిచాయి. ఈ ఎపిసోడ్ అభిమానులకే కాకుండా కుటుంబ ప్రేక్షకులకు కూడా వినోదంతో పాటు స్పూర్తిని అందించింది. అన్‌స్టాపబుల్ షోతో బాలకృష్ణ మరోసారి తన హోస్టింగ్ తో ఫ్యాన్స్ నుంచి పాజిటివ్ కామెంట్స్ అందుకుంటున్నారు.