అఖండ 2 లీక్స్.. నందమూరి ఫ్యాన్స్ ఖుషి..!

సీనియర్ హీరోల్లో వరుస సినిమాలతో దూసుకెళ్తున్నాడు నందమూరి నట సిం హం బాలకృష్ణ. లాస్ట్ ఇయర్ వీర సిం హా రెడ్డి, భగవంత్ కేసరి సినిమాలతో సూపర్ హిట్లు అందుకున్న బాలయ్య వచ్చే సంక్రాంతికి మరో సినిమాతో రాబోతున్నాడు. ఇక ఈ సినిమా తర్వాత బాలకృష్ణ తన నెక్స్ట్ సినిమా సూపర్ హిట్ డైరెక్టర్ బోయపాటి శ్రీనుతో ఫిక్స్ చేసుకున్నాడని తెలిసిందే. సూపర్ హిట్ మూవీ అఖండ కు సీక్వెల్ గా అఖండ 2 ని ఈమధ్యనే గ్రాండ్ గా ఓపెన్ చేశారు.

ఐతే బాలకృష్ణ చేస్తున్న అఖండ 2 సినిమాలో బాలయ్య పాత్రకు సంబంధించిన ఒక న్యూస్ బయటకు లీక్ అయ్యింది. ఇందులో బాలయ్య బాబు దేవాలయాల పవిత్రత కాపాడే పాత్రలో కనిపిస్తాడని తెలుస్తుంది. అంతేకాదు హిందు గ్రంధాల జోలికి వచ్చి వాటిని హేళన చేసే వారి పని పడతాడట. అఖండ సినిమాలో బాలయ్య బాబు అఘోర లుక్ తో ఆడియన్స్ ని అలరించారు. అఖండ 2 లో కూడా పవర్ ఫుల్ రోల్ లో అలరిస్తారని తెలుస్తుంది.

బాలయ్య బోయపాటి కాంబో అంటేనే సూపర్ హిట్ అన్నట్టే లెక్క. సింహాతో మొదలైన ఈ కాంబో వరుస సినిమాలతో బ్లాక్ బస్టర్స్ కొడుతున్నారు. అఖండ తర్వాత మళ్లీ అఖండ 2 తోనే మరో సంచలనానికి సిద్ధమయ్యారు. అఖండ 2 కేవలం తెలుగులోనే కాదు పాన్ ఇండియా రిలీజ్ ప్లాన్ చేస్తున్నారు. అఖండ 2 సినిమా విషయంలో మేకర్స్ ఎక్కడ కాంప్రమైజ్ అవ్వట్లేదని తెలుస్తుంది.

త్వరలో సెట్స్ మీదకు వెళ్లనున్న ఈ సినిమా కోసం భారీ సెట్టింగ్ కూడా ఏర్పటు చేస్తున్నట్టు తెలుస్తుంది. ప్రగ్యా జైశ్వాల్ హీరోయిన్ గా నటిస్తున్న అఖండ 2 సినిమా కోసం బాలయ్య కూడా సంసిద్ధం అవుతున్నాడు. సినిమా ఓపెనింగ్ రోజే పవర్ ఫుల్ డైలాగ్ తో అదరగొట్టిన బాలయ్య సినిమాలో అలాంటి డైలాగ్స్ కోకొల్లలు ఉండేలా చూస్తున్నారట. మొత్తానికి అఖండ 2 ఫ్యాన్స్ ఎలాంటి అంచనాలు పెట్టుకున్నారో దానికి మించి ఉండేలా చూస్తున్నారు. ఈ రేంజ్ ఎక్స్ పెక్టేషన్స్ తో వస్తుంది అంటే అఖండ 2 పాన్ ఇండియా లెవెల్ లో భారీ రికార్డులన్ నమోదు చేసుకునే ఛాన్స్ ఉందని చెప్పొచ్చు. అఖండ 2 సినిమాలో కూడా బాలయ్య డ్యుయల్ రోల్ లో నటించే ఛాన్స్ ఉంది. ఐతే సెకండ్ రోల్ పాత్ర అఖండ సినిమాలో కన్నా భారీగా నెక్స్ట్ లెవెల్ లో ఉండబోతుందని తెలుస్తుంది.