అఖండ 2 ఫ్యాన్స్ కి సూపర్ అప్డేట్..!

బాలకృష్ణ బోయపాటి శ్రీను కాంబినేషన్ అంటే ఆ సినిమా పక్కా హిట్ అనే లెక్క కట్టేస్తారు నందమూరి ఫ్యాన్స్. అభిమానులు బాలయ్యని ఎలా చూడాలని అనుకుంటారో ఆయన్ను అలా చూపించి హిట్లు సూపర్ హిట్లు కొడుతుంటాడు బోయపాటి శ్రీను. ఈయన డైరెక్షన్ లో వేరే హీరో అయితే ఫలితం చెప్పడం కష్టం కానీ బాలకృష్ణతో అయితే పక్కా హిట్ అని చెప్పొచ్చు. సింహా నుంచి అఖండ వరకు చేసిన సినిమాలన్నీ సక్సెస్ లు కొట్టడంతో ఈ కాంబో మీద భారీ క్రేజ్ ఏర్పడింది.

అఖండ తో సెన్సేషనల్ హిట్ అందుకున్న బాలకృష్ణ, బోయపాటి శ్రీను మరోసారి కలిసి పనిచేయనున్నారు. అఖండ సీక్వెల్ గా అఖండ 2 సినిమా రాబోతుందని కొన్నాళ్లుగా వార్తలు వస్తున్న విషయం తెలిసిందే. అఖండ 2 మరింత భారీగా అటు కమర్షియల్ హంగులతో డివోషనల్ టచ్ తో ఉండబోతుందని తెలుస్తుంది. బోయపాటి శ్రీను ఇప్పటికే ఈ సినిమా స్క్రిప్ట్ రెడీ చేసినట్టు తెలుస్తుంది. అయితే ప్రస్తుతం బాలకృష్ణ కె.ఎస్ బాబీ డైరెక్షన్ లో సినిమా చేస్తున్నాడు. ఆ సినిమా పూర్తి చేశాక బోయపాటి శ్రీను సినిమా సెట్స్ మీదకు తీసుకెళ్తారని టాక్ .

ప్రస్తుతం ఏపీలో ఎలక్షన్స్ కారణంగా బాలకృష్ణ కూడా షూటింగ్స్ కి బ్రేక్ ఇచ్చాడు. ఆఫ్టర్ ఎలక్షన్స్ బాబీ సినిమాను త్వరగా పూర్తి చేసి బోయపాటి సినిమా మొదలు పెట్టేలా చూస్తున్నారు. తెలుస్తున్న సమాచారం ప్రకారం అఖండ 2 ని నవంబర్ నుంచి సెట్స్ మీదకు తీసుకెళ్లే ప్రయత్నాల్లో ఉన్నారట మేకర్స్. అఖండ సినిమాను మించి ఈ సీక్వెల్ ఉండబోతుందని తెలుస్తుంది.

అఖండ 2 సినిమాను పాన్ ఇండియా లెవెల్ లో ప్లాన్ చేస్తున్నారట బోయపాటి. అఖండ సినిమా డబ్బింగ్ వెర్షన్ నార్త్ సైడ్ ఆడియన్స్ కూడా బాగా చూశారు. ఆ ఉత్సాహంతోనే అఖండ 2 సినిమాను నేషనల్ లెవెల్ రిలీజ్ ప్లాన్ చేస్తున్నారట. అఖండ 2 కి కూడా థమన్ నే మ్యూజిక్ డైరెక్టర్ గా రిపీట్ చేసే అవకాశాలు ఉన్నాయి. బాలకృష్ణ ఈమధ్య చేస్తున్న ప్రతి సినిమాకు థమన్ మ్యూజిక్ అందిస్తున్నాడు. NBK 109 సినిమాకు కూడా థమన్ నే ఫిక్స్ చేశారని తెలిసిందే.

సీనియర్ స్టార్స్ లో వరుస సినిమాలు వరుస హిట్లతో బాలయ్య బాబు సూపర్ ఫాం కొనసాగిస్తున్నారు. కె.ఎస్ బాబీ సినిమా ఫస్ట్ గ్లింప్స్ రీసెంట్ గా రిలీజై ఫ్యాన్స్ కి సూపర్ కిక్ ఇవ్వగా అఖండ 2 పై అసలు డౌట్లు పడక్కర్లేదని అభిమానులు ఫిక్స్ అయ్యారు.