అలియాభ‌ట్ కి మ‌రో అరుదైన గౌర‌వం!
అతిపిన్న వ‌య‌సులో జాతీయ ఉత్త‌మ న‌టిగా అవార్డు అందుకుంది అలియాభ‌ట్. `గంగూబాయి క‌తియా వాడి`లో అలియా న‌ట‌న మెచ్చి కేంద్ర ప్ర‌భుత్వం ఇచ్చిన అరుదైన గుర్తింపు ఇది.
అతిపిన్న వ‌య‌సులో జాతీయ ఉత్త‌మ న‌టిగా అవార్డు అందుకుంది అలియాభ‌ట్. `గంగూబాయి క‌తియా వాడి`లో అలియా న‌ట‌న మెచ్చి కేంద్ర ప్ర‌భుత్వం ఇచ్చిన అరుదైన గుర్తింపు ఇది. ఈ ఒక్క అవార్డు తో అలియాభ‌ట్ ఎంత గొప్ప న‌టి అన్న‌ది పాన్ ఇండియాలో సంచ‌ల‌న‌మైన అంశంగా మారింది. స‌రిగ్గా అదే ఏడాది హాలీవుడ్ లోనూ ఎంట్రీ ఇచ్చిన సంగ‌తి తెలిసిందే. ఇలా ఒకే ఏడాది అమ్మ‌డు రెండు సంచ‌ల‌నాలు న‌మోదు చేసి బాలీవుడ్ ప‌రిశ్ర‌మ‌లోనే గొప్ప నటీమ‌ణిగా గుర్తింపు ద‌క్కించుకుంది.
ఈ నేప‌థ్యంలో అలియాకి మ‌రో అరుదైన గౌర‌వం ద‌క్కింది. తాజాగా అలియా ఖాతాలో ప్ర‌తిష్టాత్మ‌క పుర‌స్కారం చేరింది. హ‌న‌ర‌రీ ఎంట‌ర్ టైన్ మెంట్ మేక‌ర్స్ పుర‌స్కారం అందుకుంది. సౌదీ అరేబియా రాజ‌దాని రియాద్ లో అమ్మ‌డికి ఈ అవార్డు ప్ర‌దానం చేసారు. ఈసంద‌ర్భంగా అలియా మ‌రోసారి ఎమోష‌న‌ల్ అయింది. ఈ అవార్డుకి ఎంపిక అవ్వ‌డం ప‌ట్ట గ‌ర్వంగా ఫీల‌వుతున్నానంది.
సినిమా మాధ్యమం ద్వారా మాలాంటి వాళ్ల ప్ర‌తిభ‌ని గుర్తించి అందరినీ ఒక గొడుకు కింద‌కు తీసుకురా వ‌డాన్ని స్వాగ‌తిస్తున్నా. నిజానికి నాకు సినిమాలే లోకం. అది త‌ప్ప వేరే ప్ర‌పంచం తెలియ‌దు. లైట్స్..కెమెరా..యాక్ష‌న్ అనే మూడు ప‌దాలు నిత్యం నాచెవుల్లో మారు మ్రోగుతూనే ఉంటాయి. అవి విన‌ప‌డ‌ని రోజు అంటూ ఉండ‌దు. ఈ పూట రియాద్ న‌గ‌రం వ‌చ్చి ఈ ప్రేమ‌ను నాతో పాటు తీసుకెళ్తున్నా` అంటూ ఎమోష‌న‌ల్ అయింది.
జాతీయ అవార్డు అందుకున్న స‌మయంలోనూ అలియా ఇలాగే భావోద్వేగానికి గురైన సంగ‌తి తెలిసిందే. ఆ స‌మ‌యంలో పక్క‌నే మ‌రో న‌టి కృతి స‌న‌న్ కూడా ఉండ‌టంతో ఆమెని హ‌త్తుకుని సంతోషాన్ని పంచు కుంది. ప్ర‌స్తుతం అలియాభ‌ట్ జిగ్రా అనే సినిమాలో న‌టిస్తోంది. ఈ చిత్రానికి ఆమె నిర్మాత కావ‌డం విశేషం. మంచి క‌థ‌ల్ని నిర్మించాల‌ని ఇటీవ‌లే నిర్ణ‌యం తీసుకుంది అలియా. ఈ నేప‌థ్యంలోనే నిర్మాణ రంగంలోకి అడుగు పెట్టింది.