క్యూట్‌.. అల్లు అర్హ అంటే డాడీ డాటర్‌ అనుకుంటివా!
ఇప్పుడు తండ్రి అల్లు అర్జున్ ఒడిలో కూర్చుని ఏదో ఆసక్తిగా చూస్తూ చప్పట్లు కొడుతూ ఉన్న ఫోటో ప్రస్తుతం సోషల్‌ మీడియాలో వైరల్‌ అవుతోంది.
అల్లు అర్జున్ పుష్ప అంటే ఫ్లవర్ అనుకుంటివా.. ఫైర్‌ డైలాగ్‌ ఎంతటి ఫేమస్ అయ్యిందో ప్రత్యేకంగా చెప్పనక్కర్లేదు. ఆయన ఫ్యాన్స్ మాత్రమే కాకుండా ఎంతో మంది ఎన్నో రకాలుగా తమకు అనుకూలంగా మలుచుకుని చెప్పడం మనం చూశాం. ఇప్పుడు అల్లు అర్జున్ స్వయంగా తన డైలాగ్‌ని తానే విభిన్నంగా చెప్పడం ద్వారా అందరి దృష్టిని ఆకర్షించాడు. తన కూతురు ఫోటోను షేర్ చేసిన అల్లు అర్జున్ అందరికి ఇష్టమైన ఆ డైలాగ్‌ను పోస్ట్‌ చేశాడు. అయితే ఉన్నది ఉన్నట్లుగా కాకుండా దాన్ని మార్చి, పుష్ప రాజ్ స్టైల్‌లో అల్లు అర్జున్ తన కూతురు అర్హ గురించి చెబితే ఎలా ఉంటుందో అలా చెప్పాడు.
అల్లు అర్హ అంటే డాడీ కూతురు అనుకుంటివా... డాడీ ప్రిన్సెస్‌ అంటూ పుష్ప డైలాగ్‌ తరహాలో ఈ క్యూట్‌ ఫోటోకు కామెంట్‌ పెట్టాడు. అల్లు అర్హ ఎప్పుడూ సోషల్‌ మీడియాలో వైరల్‌ అవుతూనే ఉంటుంది. చిన్నప్పటి నుంచి అల్లు అర్హ తన ముద్దు ముద్దు మాటలతో సోషల్‌ మీడియా ద్వారా అందరి దృష్టిని ఆకర్షిస్తూ వస్తోంది. తాజాగా మరోసారి ఈ పాప ముద్దు ముద్దు మాటలు అలరించాయి. ముఖ్యంగా బాలకృష్ణ అన్‌స్టాపబుల్‌ షో లో కనిపించడం ద్వారా అందరినీ కంగారు పెట్టింది. తెలుగు మాట్లాడమే కష్టం అనుకుంటున్న సమయంలో తెలుగు పద్యం గుక్కతిప్పుకోకుండా 15 నుంచి 20 సెకన్లు చెప్పడం ద్వారా అంతా అవాక్కయ్యారు.
ఇప్పుడు తండ్రి అల్లు అర్జున్ ఒడిలో కూర్చుని ఏదో ఆసక్తిగా చూస్తూ చప్పట్లు కొడుతూ ఉన్న ఫోటో ప్రస్తుతం సోషల్‌ మీడియాలో వైరల్‌ అవుతోంది. అల్లు అర్జున్ స్వయంగా షేర్ చేసిన ఈ ఫోటో తో పాటు తన కూతురు తన ప్రిన్సెస్‌ అంటూ పుష్ప తరహాలో చెప్పిన డైలాగ్‌ కి ప్రతి ఒక్కరు ఫిదా అవుతున్నారు. అల్లు అర్హ ఎప్పుడూ ఏదో ఒక విషయంతో సోషల్‌ మీడియాలో వైరల్‌ కావడం మనం చూస్తూ ఉంటాం. ఈసారి తండ్రితో కలిసి ఉన్న ఫోటోలో క్యూట్‌గా ఉండి అందరి చూపు ఆకర్షిస్తోంది. ఇంత అందమైన కూతురు ఉన్నందుకు, ఇంత క్యూట్‌ కూతురు ఉన్నందుకు అల్లు అర్జున్ ఎంతటి అదృష్టవంతుడు కదా అంటూ నెటిజన్స్ కామెంట్స్ చేస్తున్నారు.
అల్లు అర్జున్ డిసెంబర్‌ 5న పుష్ప 2 సినిమాతో ప్రేక్షకుల ముందుకు రాబోతున్నాడు. చాలా బిజీగా ఉన్న బన్నీ ఎప్పటిలాగే తన పిల్లలతో మినిమం సమయం గడుపుతూనే ఉంటాడు. అందులో భాగంగానే అర్హతో ఇలా సరదాగా తాజాగా గడిపారు. పుష్ప 2 సినిమా ట్రైలర్‌ కి వచ్చిన రెస్పాన్స్‌కి అంతా పాన్‌ ఇండియా సినీ జనాలు షాక్ అవుతున్నారు. బాలీవుడ్‌లోనూ ఈ స్థాయి ఆధరణ పుష్పకు ఉంటుందని ఏ ఒక్కరు ఊహించలేదు. బీహార్‌లో జరిగిన ప్రీ రిలీజ్‌ ఈవెంట్‌ కి రెండు లక్షల మంది జనాలు హాజరు కావడం మామూలు విషయం కాదు. తెలుగు రాష్ట్రాల్లోనూ ఆ స్థాయిలో జనాలు హాజరు అవుతారా అంటే డౌటే అనే అభిప్రాయం వ్యక్తం అవుతోంది. పుష్ప 2 బాక్సాఫీస్ వద్ద రూ.2000 కోట్ల వసూళ్లను చేయడం ఖాయం అనే నమ్మకం వ్యక్తం అవుతోంది.