స్నేహా రెడ్డి వెపన్ తో ఛేంజ్ అయ్యా.. తొక్కలో యాక్షన్!: బన్నీ

టాలీవుడ్ సీనియర్ హీరోగా నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ విత్ ఎన్ బీకే షో సక్సెస్ ఫుల్ గా సాగుతున్న విషయం తెలిసిందే. ఇప్పటికే మూడు సీజన్స్ పూర్తి అవ్వగా.. ఇప్పుడు నాలుగో సీజన్ కూడా అందరినీ మెప్పిస్తూ సందడి చేస్తోంది. తొలి మూడు ఎపిసోడ్స్ కు ఆంధ్రప్రదేశ్ సీఎం చంద్రబాబు నాయుడు, మాలీవుడ్ స్టార్ హీరో దుల్కర్ సల్మాన్, కోలీవుడ్ స్టార్ హీరో సూర్య గెస్ట్ లుగా విచ్చేసి అలరించారు.

ఇప్పుడు నాలుగో సీజన్ కు ఐకాన్ స్టార్ అల్లు అర్జున్ గెస్ట్ గా వచ్చారు. మూడు ఎపిసోడ్ స్టార్టింగ్ లోనే ఆహా నిర్వాహకులు ఆ విషయాన్ని రివీల్ చేశారు. అల్లు అర్జున్ మరోసారి అన్‌స్టాపబుల్ షోకు వచ్చిన గ్లింప్స్ ను సూర్య ఎపిసోడ్ ముందు ప్లే చేశారు. విడిగా రిలీజ్ చేయకపోయినా.. ఫ్యాన్స్ మాత్రం వైరల్ చేశారు. ఇప్పుడు స్పెషల్ గా గ్లింప్స్ ను సోషల్ మీడియాలో షేర్ చేశారు. నవంబర్ 15న బన్నీ గెస్ట్ గా వచ్చిన ఎపిసోడ్ స్ట్రీమింగ్ చేస్తామని తెలిపారు.

గతంలో పుష్ప సినిమా ప్రమోషన్స్ టైమ్ లో అన్‌ స్టాపబుల్ షోకు వచ్చిన అల్లు అర్జున్.. ఇప్పుడు పుష్ప 2 ప్రమోషన్స్ లో భాగంగా మరోసారి వచ్చినట్లు క్లియర్ తెలుస్తోంది. కర్మ సిద్ధాంత సాంతంగా అవపోసన పట్టిన కార్మికుడు.. ఐకాన్ స్టార్ గా పిలవబడుతున్న మై డియర్ బ్రదర్ అంటూ అల్లు అర్జున్ ను ఇన్వైట్ చేశారు బాలయ్య. ఆ తర్వాత మనమిద్దరం రిలేటివ్స్ అనగా.. ఎలా అని బన్నీ అడిగారు. నేను కృష్ణుడు, నువ్వు అర్జునుడని బాలకృష్ణ చెప్పారు.

నేషనల్ అవార్డు కోసం బాలయ్య ప్రస్తావించగా.. "బెస్ట్ యాక్టర్ అవార్డ్ లిస్ట్ చూడగా ఒక్క తెలుగు హీరో పేరు కూడా లేదు.. రౌండప్ చేసే కొట్టాలని ఫిక్స్ అయ్యా" అని తెలిపారు. ఎలాగైనా సాధించాలనుకున్నానని చెప్పారు. ఆ తర్వాత మెగాస్టార్ చిరంజీవి, సూపర్ స్టార్ మహేష్ బాబుతో పాటు పలువురు యాక్టర్స్ తో ఉన్న అనుబంధాన్ని నెమరు వేసుకున్నారు. యాక్షన్ ఇష్టమా? రొమాన్స్ ఇష్టమా? అంటే.. తొక్కలా యాక్షన్ అంటూ సరదాగా అన్నారు బన్నీ.

ఆ తర్వాత అల్లు అర్జున్ తల్లి,. అల్లు అరవింద్ సతీమణి నిర్మల సర్పైజ్ గా వచ్చారు. చిన్నప్పుడు అల్లు అర్జున్ ను కొట్టారా అని అడగ్గా.. ఒకటా.. దేనితో కొట్టలేదో అడగాలని బన్నీ అన్నారు. అన్నీ వెపన్స్ తో ట్రైన్ అయ్యి ఇప్పుడు సినిమాలు చేస్తున్నట్లు తెలిపారు. స్నేహా రెడ్డి అనే వెపన్ తో మారానని నవ్వుతూ అన్నారు. బన్నీ సాడ్ మూమెంట్ ను నిర్మల షేర్ చేసుకున్నారు. అమ్మాయిల విషయంలో అన్యాయం జరిగితే తనకు బాగా కోపం వస్తుందన్నారు బన్నీ.

ఆ తర్వాత బాలయ్య, అల్లు అర్జున్ అల్లరి మామూలుగా లేదు. నటసింహం క్వశ్చన్స్ కు బన్నీ ఫుల్ కామెడీగా ఆన్సర్స్ ఇచ్చారు. మీరు పుష్ప-3 చేయండి.. నేను అఖండ-3 చేస్తానని బాలయ్యతో అల్లు అర్జున్ అన్నారు. ఆ తర్వాత పుష్ప స్వాగ్ స్టెప్ ఇద్దరూ వేసి ఓ రేంజ్ లో అలరించారు. తగ్గేదేలే అంటూ మ్యానరిజం చూపించారు. మొత్తానికి బాలయ్య, అల్లు అర్జున్ ఎపిసోడ్ ఫుల్ గా ఎంటర్టెన్ చేయడం పక్కా అని ప్రోమో ద్వారా క్లారిటీ వచ్చేసింది!