అల్లు అర్జున్ సీక్రెట్‌ వాట్సాప్ గ్రూప్.. తన భార్యతో ఏం చర్చిస్తారంటే?

ఐకాన్ స్టార్ అల్లు అర్జున్ ఇటీవల 'అన్‌స్టాపబుల్‌' సీజన్-4 లో పాల్గొన్న సంగతి తెలిసిందే. నందమూరి బాలకృష్ణ హోస్ట్ చేస్తున్న ఈ టాక్ షోలో బన్నీ అనేక ఆసక్తికరమైన విషయాలను పంచుకున్నారు. ఆహా ఓటీటీ వేదికగా ఇప్పటికే ఈ ఎపిసోడ్ ఫస్ట్ పార్ట్ స్ట్రీమింగ్ అవుతోంది. మరో రెండు రోజుల్లో సెకండ్ పార్ట్ ప్రసారం కనుంది. ఈ నేపథ్యంలో రిలీజ్ చేసిన ప్రోమోలకు ఆడియన్స్ నుంచి మంచి రెస్పాన్స్ వస్తోంది. అయితే ఈ షోలో బన్నీ తన సీక్రెట్‌ వాట్సాప్‌ గ్రూప్‌ వివరాలు వెల్లడించినట్లు తెలుస్తోంది.

'అన్‌స్టాపబుల్‌' లో భాగంగా అల్లు అర్జున్ తన సతీమణి స్నేహా రెడ్డితో వాట్సాప్‌ గ్రూప్ మెయింటెయిన్ చేస్తున్నారనే విషయాన్ని రివీల్ చేశారట. తనకు సీక్రెట్‌ వాట్సాప్ గ్రూప్ ఉందని, దాంట్లో కేవలం తను, తన భార్య మాత్రమే మెంబెర్స్ గా ఉంటామని బన్నీ చెప్పినట్లు సమాచారం. ఇద్దరి మధ్య ఏవైనా గొడవలు జరిగినప్పుడు ఆ గ్రూప్ ద్వారానే చర్చించుకుంటామని, ఇతరుల గురించిన రహస్యాలు కూడా మాట్లాడుకుంటామని ఆయన బాలయ్య టాక్ షోలో తెలిపినట్లు నివేదికలు పేర్కొన్నాయి. ఈ వార్తలు ప్రస్తుతం నెట్టింట వైరల్‌గా మారాయి.

2011లో స్నేహారెడ్డిని ప్రేమ వివాహం చేసుకున్న అల్లు అర్జున్.. తన సతీమణి గురించి ఇంటర్వ్యూల్లో చాలా అరుదుగా మాట్లాడుతుంటారు. కొన్ని సందర్భాల్లో మాత్రం ఆయన తమ లవ్ స్టోరీని పంచుకున్నారు. ఇప్పుడు బాలయ్య 'అన్‌స్టాపబుల్‌' కార్యక్రమంలో బన్నీ తన పర్సనల్ లైఫ్ గురించి చాలా విషయాలు మాట్లాడినట్లు తెలుస్తోంది. ఇటీవల షేర్ చేసిన ప్రోమోలో రిలేషన్ షిప్ అడ్వైజ్ ఇవ్వమని బాలకృష్ణ అడగ్గా.. పరస్పరం గౌరవం ఇచ్చిపుచ్చుకోవాలని, అది తనకు చాలా బాగా ఉపయోగపడిందని అల్లు అర్జున్ తెలిపారు.

'అన్‌స్టాపబుల్‌' షోలో ఫస్ట్ పార్ట్ లో అల్లు అర్జున్‌ తో పాటుగా ఆయన తల్లి పాల్గొన్నారు. సెకండ్ పార్ట్ లో బన్నీ తనయుడు అయాన్‌, కుమార్తె అర్హ పాల్గొన్నారు. ఈ సందర్భంగా అర్హ కఠినమైన తెలుగు పద్యం చెప్పి అందరినీ ఆశ్చర్య పరిచింది. అయాన్‌ 'యానిమల్‌' మూవీలో రణ్‌బీర్‌ కపూర్‌ అని, తండ్రి కోసం ఏదైనా చేస్తాడని ప్రోమోలో అల్లు అర్జున్ తెలిపారు. 'పుష్ప 2: ది రూల్' చిత్రంలో జాతర మాస్ చూస్తారని అన్నారు. ఈ ఎపిసోడ్ నవంబర్ 22న స్ట్రీమింగ్‌ కానుంది.

ఇదిలా ఉంటే, 'పుష్ప 2' సినిమాని డిసెంబరు 5వ తేదీన ప్రపంచ వ్యాప్తంగా విడుదల చేయడానికి మేకర్స్ సన్నాహాలు చేస్తున్నారు. సుకుమార్ దర్శకత్వంలో తెరకెక్కుతున్న ఈ యాక్షన్ డ్రామాలో అల్లు అర్జున్ పుష్పరాజ్ గా మరోసారి అలరించడానికి రెడీ అవుతున్నారు. రష్మిక మందన్న హీరోయిన్ గా నటిస్తున్న ఈ చిత్రంలో, శ్రీలీల స్పెషల్ సాంగ్ చేసింది. మైత్రీ మూవీ మేకర్స్ బ్యానర్ లో భారీ బడ్జెట్ తో ఈ చిత్రాన్ని రూపొందిస్తున్నారు. ఇప్పటికే రిలీజైన ప్రమోషనల్ కంటెంట్ సినిమాపై అంచనాలు రెట్టింపు చేసింది. రీసెంట్ గా వచ్చిన ట్రైలర్ యూట్యూబ్ ను షేక్ చేస్తోంది.