అల్లు అర్జున్ చేతికి మహేష్ బ్రాండ్

ఐకాన్ స్టార్ అల్లు అర్జున్ ప్రస్తుతం పాన్ ఇండియా హీరోగా అదిరిపోయే ఇమేజ్ తో దూసుకుపోతున్నాడు. దేశ వ్యాప్తంగా బన్నీకి ఫ్యాన్ బేస్ పెరిగింది. దీంతో అతని నుంచి రాబోయే పుష్ప 2పైన భారీ అంచనాలు క్రియేట్ అయ్యి ఉన్నాయి. మోస్ట్ అవైటెడ్ ప్రాజెక్ట్ గా పుష్ప 2 చిత్రం ఉంది. డిసెంబర్ 6న వరల్డ్ వైడ్ గా ప్రేక్షకుల ముందుకి రానున్న పుష్ప 2 చిత్రం కచ్చితంగా భారీ సక్సెస్ అవుతుందని ట్రేడ్ పండితులు భావిస్తున్నారు.

ఇదిలా ఉంటే ఈ సినిమా తర్వాత అల్లు అర్జున్ లైనప్ లో త్రివిక్రమ్ శ్రీనివాస్, అట్లీ, సందీప్ రెడ్డి వంగా లాంటి స్టార్ డైరెక్టర్స్ ఉన్నారు. సందీప్ రెడ్డి వంగాతో సినిమాకి నాలుగేళ్ల సమయం పట్టే ఛాన్స్ ఉంది. త్రివిక్రమ్ శ్రీనివాస్ లేదంటే అట్లీలలో ఒకరితో నెక్స్ట్ ప్రాజెక్ట్ చేసే అవకాశం ఉందనే టాక్ వినిపిస్తోంది. అయితే ఎవ్వరూ ఊహించని కాంబినేషన్ ఇప్పుడు సెట్ అయ్యింది. డైరెక్టర్ క్రిష్ తో అల్లు అర్జున్ వర్క్ చేయడానికి సిద్ధం అవుతున్నాడంట.

క్రిష్ దర్శకత్వంలో బన్నీ వేదం సినిమాలో నటించారు. ఈ చిత్రంలో అల్లు అర్జున్ చేసిన కేబుల్ రాజు క్యారెక్టర్ ప్రేక్షకులకి బాగా కనెక్ట్ అయ్యింది. ఎమోషనల్ గా ప్రతి ఒక్కరికి రీచ్ అయ్యింది. అల్లు అర్జున్ చేసిన బెస్ట్ క్యారెక్టర్స్ లలో అది ఒకటి. ఆంథాలజీ కథలతో వేదం సినిమా తెరకెక్కి హిట్ అయ్యింది. ఇదిలా ఉంటే మరల ఇన్నేళ్ల తర్వాత క్రిష్ దర్శకత్వంలో అల్లు అర్జున్ వర్క్ చేయబోతున్నాడు. అయితే అది ఒక కమర్షియల్ యాడ్ కోసం అని తెలుస్తోంది.

ప్రముఖ సాఫ్ట్ డ్రింక్ Thums Up కి అల్లు అర్జున్ బ్రాండ్ అంబాసిడర్ గా సైన్ చేశారు. గతంలో సూపర్ స్టార్ మహేష్ బాబు దీనిని ప్రమోట్ చేశేవారు. అల్లు అర్జున్ పాన్ ఇండియా ఇమేజ్ ని దృష్టిలో ఉంచుకొని దేశ వ్యాప్తంగా బన్నీని ఈ సాఫ్ట్ డ్రింక్ ప్రమోషన్ కోసం ఉపయోగించుకోవాలని భావిస్తున్నారంట. అందుకే భారీ రెమ్యునరేషన్ చెల్లించి Thums Up కోసం కాంట్రాక్ట్ చేసుకున్నారంట.

ఈ కమర్షియల్ యాడ్ క్రిష్ దర్శకత్వంలో తెరకెక్కనుందని తెలుస్తోంది. త్వరలో అల్లు అర్జున్ ఈ యాడ్ షూట్ లో పాల్గొంటారని సమాచారం. Thums Upలో ఇది వరకు మహేష్ బాబుని అద్భుతంగా ప్రెజెంట్ చేశారు. మరి ఈ సారి అల్లు అర్జున్ తో ఎలాంటి ఫీట్ లు చేయిస్తారు అనేది ఆసక్తికరంగా మారింది.