అల్లు అర్జున్.. ఈసారి హ్యాండ్ ఇవ్వడుగా?

ఐకాన్ స్టార్ అల్లు అర్జున్ ప్రస్తుతం పుష్ప 2 మూవీపై పూర్తిస్థాయిలో దృష్టి పెట్టి ఉన్నారు. భారీ బడ్జెట్ తో పాన్ ఇండియా లెవల్ లో తెరకెక్కుతోన్న ఈ సినిమాని సుకుమార్ వచ్చే ఏడాది ఆగష్టు 15న రిలీజ్ చేయడానికి ముహూర్తం ఫిక్స్ చేశారు. రీసెంట్ గా పోస్టర్ తో రిలీజ్ డేట్ ఎనౌన్స్ చేశారు. ఈ మూవీ తర్వాత బన్నీ త్రివిక్రమ్ శ్రీనివాస్ తో మూవీ చేయాల్సి ఉంది. వీరిద్దరి కాంబినేషన్ లో వచ్చి జులాయి, సన్నాఫ్ సత్యమూర్తి, అల వైకుంఠపురంలో బ్లాక్ బస్టర్ హిట్ అయ్యాయి.

ఈ నేపథ్యంలో పాన్ ఇండియా లెవల్ లో నాలుగోసారి సూపర్ హిట్ కొట్టడానికి డిసైడ్ అయ్యారు. ఇప్పటికే సినిమాని అఫీషియల్ గా ఎనౌన్స్ చేశారు. గుంటూరు కారం రిలీజ్ తర్వాత త్రివిక్రమ్ ఆ సినిమాపైన దృష్టి పెడతారని టాక్ నడిచింది. అయితే ఇప్పుడు అల్లు అర్జున్ ఛాయస్ మారే ఛాన్స్ లేకపోలేదు అనేలా టాక్ వస్తోంది. పుష్ప మూవీతో పాన్ ఇండియా ఇమేజ్ బన్నీకి వచ్చింది. దానిని మరింతగా పెంచుకోవాలని అనుకుంటున్నాడు.

పుష్ప 2 కూడా సూపర్ హిట్ అవుతుందని గట్టి నమ్మకంతో ఉన్నాడు. ఈ రెండు సినిమాల తర్వాత రాబోయే మూవీపైన దేశ వ్యాప్తంగా ఎక్స్ పెక్టేషన్స్ హై అండ్ లో ఉంటాయి. అయితే వాటిని అందుకోవాలంటే త్రివిక్రమ్ తో సాధ్యం కాదని బన్నీ భావిస్తున్నారంట. మాటల మాంత్రికుడితో సినిమా టాలీవుడ్ వరకే సరిపోతుందని బన్నీ ఆలోచనంట.

అందుకే నెక్స్ట్ సినిమా విషయంలో త్రివిక్రమ్ కి ఇచ్చిన ప్రామిస్ ని అల్లు అర్జున్ బ్రేక్ చేస్తాడా లేదంటే సుక్కు తరహాలోనే సపోర్ట్ చేస్తాడా అనేది చూడాలి. గతంలో ఏఆర్ మురుగదాస్, కొరటాల శివతో సినిమాలు చేయడానికి అల్లు అర్జున్ కమిటై తరువాత వెనక్కి తగ్గారు. ఇక ఐకాన్ వేణు శ్రీరామ్ పరిస్థితి ఏమైందో చెప్పనక్కర్లేదు. ఈ సారి త్రివిక్రమ్ విషయంలో అలాంటి నిర్ణయమే తీసుకున్తున్నారంట.

జవాన్ తో సూపర్ హిట్ కొట్టిన అట్లీ దర్శకత్వంలో నెక్స్ట్ మూవీ బన్నీ చేసే ఆలోచనలో ఉన్నారంట. ఎప్పటినుంచో అట్లీ కూడా అల్లు అర్జున్ తో సినిమా కోసం వెయిట్ చేస్తున్నాడు. జవాన్ సూపర్ హిట్ కావడంతో ఇప్పుడు బన్నీ నెక్స్ట్ సినిమా ఛాన్స్ అట్లీకి ఇవ్వడానికి రెడీ అవుతున్నాడంట. త్వరలో దీనికి సంబందించిన అధికారిక ప్రకటన ఉండే ఛాన్స్ ఉందని ఇండస్ట్రీ వర్గాలలో వినిపిస్తోంది.