యానిమల్.. దిల్ రాజు డీసెంట్ డీల్!

రణబీర్ కపూర్ హీరోగా సందీప్ రెడ్డి వంగా దర్శకత్వంలో తెరకెక్కుతోన్న పాన్ ఇండియా మూవీ యానిమల్. టి-సిరీస్ ఈ చిత్రాన్ని భారీ బడ్జెట్ తో నిర్మిస్తోంది. అర్జున్ రెడ్డి సినిమాలో ప్రేమకథని కాస్తా వయలెంట్ గా ఆవిష్కరించిన సందీప్ రెడ్డి యానిమల్ ని కంప్లీట్ గా మాఫియా బ్యాక్ డ్రాప్ కథతో తెరకెక్కిస్తున్నారు. మోస్ట్ వయలెంట్ స్టొరీగా దీనిని ఆవిష్కరించే ప్రయత్నం చేస్తున్నారు.

ఇప్పటికే ప్రేక్షకుల ముందుకొచ్చిన ఫస్ట్ లుక్, హీరో ఇంట్రడక్షన్ గ్లింప్స్ కూడా చాలా పవర్ ఫుల్ గా ఉన్నాయి. భారీ ఎక్స్ పెక్టేషన్స్ మధ్య ఈ చిత్రం సిద్ధం అవుతోంది. డిసెంబర్ లో ప్రేక్షకుల ముందుకి తీసుకురావడానికి సందీప్ రెడ్డి సిద్ధం అవుతున్నారు. ఇదిలా ఉంటే ఈ సినిమా తెలుగు రాష్ట్రాలలో అన్ని భాషలకి సంబంధించి రిలీజ్ రైట్స్ ని దిల్ రాజు సొంతం చేసుకున్నారంట. డీసెంట్ ఎమౌట్ ఆఫర్ చేసి డీల్ కుదుర్చుకున్నట్లు తెలుస్తోంది.

సౌత్ లో ఒక్క షారుఖ్ ఖాన్ కి మాత్రమే కొద్దిగా మార్కెట్ ఉంది. తరువాత సల్మాన్ ఖాన్ చిత్రాలు చూడటానికి ఇష్టపడతారు రణబీర్ కపూర్ కి చెప్పుకోదగ్గ డిమాండ్ లేదు. అతను హీరోగా పాన్ ఇండియా స్థాయిలో వచ్చిన బ్రహ్మాస్త్ర మూవీ సౌత్ లో పెద్దగా కనెక్ట్ కాలేదు. నైజాం ఏరియాలో హిందీ చిత్రాలకి కొంత వరకు ఆదరణ లభిస్తూ ఉంటుంది. అయితే ఈ యానిమల్ సినిమాకి సందీప్ రెడ్డి వంగా కారణంగా హైప్ ఉంది.

తెలుగులో దిల్ రాజు కూడా సందీప్ రెడ్డి మేకింగ్ మీద నమ్మకంతో రైట్స్ సొంతం చేసుకున్నారు. ఇక ఈ మూవీలో తెలుగు స్టార్ హీరోయిన్ రష్మిక మందన లీడ్ రోల్ చేస్తోంది. అది కూడా సినిమాకి కొంత వరకు తెలుగు రాష్ట్రాలలో ప్లస్ అయ్యే ఛాన్స్ ఉంది.

యానిమల్ టైటిల్, అలాగే పోస్టర్స్ కూడా మూవీ కంటెంట్ లో ఇంటెన్సన్ ఉందనే నమ్మకం కలిస్తోంది. ఈ కారణాలతో దిల్ రాజు కాస్తా డేర్ చేసి యానిమల్ తెలుగు రాష్ట్రాల వరకు రిలీజ్ రైట్స్ సొంతం చేసుకున్నారు. మరి యానిమల్ సినిమా సందీప్ రెడ్డికి, అటు రణబీర్ కపూర్ కి ఎలాంటి సక్సెస్ ఇస్తుందనేది వేచి చూడాలి.