అనుష్క ఘాటి అరుంధతి రేంజ్ ప్లాన్..?

తెలుగులో ఓ పక్క కమర్షియల్ సినిమాలు చేస్తూనే ఫిమేల్ సెంట్రిక్ సినిమాలతో స్టార్ రేంజ్ తెచ్చుకున్న భామల్లో అనుష్క ఒకరు. స్వీటీ సినిమా ఓకే చేసింది అంటే అందులో కచ్చితంగా సంథింగ్ స్పెషల్ ఉంటుందని ఆమె ఫ్యాన్స్ ఫిక్స్ అయ్యేలా చేసుకుంది. ఐతే సైజ్ జీరో కోసం తన బరువు పెంచుకున్న అనుష్క దాన్ని తగ్గించుకునేందుకు విశ్వ ప్రయత్నాలు చేసింది. రాజమౌళితో చేసిన బాహుబలి 2 లో కూడా ఏదో గ్రాఫిక్స్ తో అలా మేనేజ్ చేశారు. ఇక అనుష్క నటించిన నిశ్శబ్దం లో ఆమె లుక్ చూసి అందరు షాక్ అయ్యారు.

అందుకే సినిమాలకు కాస్త గ్యాప్ ఇచ్చి మళ్లీ తిరిగి మామూలు రూపాన్ని తెచ్చుకోవాలని ప్రయత్నించింది. ఆ మేరకు కొంత సక్సెస్ అయ్యింది కూడా.. లాస్ట్ ఇయర్ అనుష్క మిస్ శెట్టి మిస్టర్ పొలిశెట్టి సినిమాలో నటించింది. ఆ సినిమా తో సక్సెస్ అందుకున్న అనుష్క తెలుగులో క్రిష్ డైరెక్షన్ లో ఘాటి సినిమా చేస్తుంది. జీవితంలో ఎన్నో కష్టాలు పడి జీవితాన్ని నిలబెట్టుకున్న ఒక యోధురాలి పాత్రలో అనుష్క నటిస్తుంది.

ఈ సినిమాతో మరోసారి అనుష్క టాలెంట్ ఏంటో తెలిసేలా చేస్తున్నారట. అంతేకాదు ఈ సినిమా సూపర్ హిట్ మూవీ అరుంధతి రేంజ్ లో ఉండబోతుందని అంటున్నారు. ఘాటి అరుంధతి రెండు సినిమాల మధ్య చాలా వ్యత్యాసం ఉంది. అది వేరే కథ ఇది వేరే కథ కానీ అనుష్కకు అరుంధతి ఎంత పేరు తెచ్చి పెడుతుందో ఘాటి కూడా అంతే పేరు తెచ్చి పెడుతుందని చెబుతున్నారు. అనుష్క కూడా క్రిష్ చెప్పిన కథకు ఎగ్జైట్ అయ్యే సినిమాకు ఓకే చెప్పింది. ఏది ఏమైనా ఇన్నాళ్లకు స్వీటీ సత్తా చాటేలా ఒక సినిమా రాబోతుందని ఆమె ఫ్యాన్స్ ఖుషి అవుతున్నారు.

తెలుగులో ఘాటితో పాటుగా మలయాళంలో మరో సినిమా చేస్తుంది అనుష్క. ఆ సినిమా కూడా లేడీ ఓరియెంటెడ్ కథతో వస్తుందని తెలుస్తుంది. అనుష్క తిరిగి వరుస సినిమాలు చేయడం మొదలు పెడితే మాత్రం యువ హీరోయిన్స్ కు పెద్ద షాకే అని చెప్పొచ్చు. అనుష్క ఘాటి తర్వాత కూడా అదే తరహా ఫిమేల్ సెంట్రిక్ కథలనే చేయాలని అనుకుంటుందని తెలుస్తుంది. మొత్తానికి అనుష్క తన రేంజ్ కి తగినట్టుగానే సినిమాలు ప్లాన్ చేస్తుందని చెప్పొచ్చు.