వ‌చ్చే సంక్రాంతికి టాలీవుడ్ లో త్రిముఖ పోరు!

తెలుగు లోగిళ్లు గొబ్బెమ్మ‌ల‌తో వెలిగిపోయే సంక్రాంతి పండుగ వ‌చ్చిందంటే ప‌ల్లెల‌నుంచి ప‌ట్నాల వ‌ర‌కు సంద‌డే సంద‌డి. పండుగ నాడు కొత్త అల్లుళ్ల‌తో....కొత్త ధాన్యాల‌తో...కోడి పందేల‌తో గ్రామాలు క‌ళ‌క‌ళలాడుతుంటాయి. అదే స‌మ‌యంలో పండుగ వాతావ‌ర‌ణాన్ని మ‌రింత ఆహ్లాద‌క‌రంగా చేయ‌డానికి తెలుగు చిత్రాలు విడుద‌ల‌వుతుంటాయి. ఓ ర‌కంగా టాలీవుడ్ లోని కొంద‌రు హీరోల‌కు సంక్రాంతి సెంటిమెంట్ ఉంది. ముఖ్యంగా నంద‌మూరి బాల‌కృష్ణకు సంక్రాంతి బాగా క‌లిసి వ‌చ్చింది. ఈ సారి కూడా సంక్రాంతి బరిలో హోరాహోరీ పోరు త‌ప్పేలా లేదు. విశ్వ‌విఖ్యాత న‌ట సార్వభౌమ నంద‌మూరి తార‌క రామారావు బ‌యోపిక్ `ఎన్టీఆర్`తో బాల‌య్య బాబు సంక్రాంతి బ‌రిలో దిగనున్నాడు. మ‌రోవైపు, త‌న 25వ చిత్రంతో మ‌హేష్ మ‌రో హిట్ కొట్టేందుకు రెడీ అవుతున్నాడు. వీరిద్ద‌రితో పాటు మెగా ప‌వ‌ర్ స్టార్ రామ్ చ‌ర‌ణ్ కూడా సంక్రాంతి రేసులోకి రాబోతున్నాడు.

ఈ సారి సంక్రాంతి బ‌రిలో త్రిముఖ పోరు త‌ప్పేలా లేదు. బాల‌కృష్ణ న‌టిస్తూ, స‌హ‌నిర్మాత‌గా వ్య‌వ‌హ‌రిస్తోన్న‌ ఎన్టీఆర్ బయోపిక్ జనవరి 9న విడుదల కానుంది. ప్ర‌తిష్టాత్మ‌కంగా తెరకెక్కుతోన్న ఈ బ‌యోపిక్ తో హిట్ కొట్టాల‌ని బాల‌య్య బాబు భావిస్తున్నాడు. మ‌రోవైపు - బోయపాటి శ్రీను - చ‌ర‌ణ్ ల కాంబోలో తెర‌కెక్కుతోన్న చిత్రం కూడా సంక్రాంతికి విడుద‌ల కానుంది. ఈ చిత్రం క్లైమాక్స్ ద‌శ‌కు చేరుకుంది. ఈ సినిమా పోస్ట్ ప్రొడక్షన్ పనులు పూర్తి చేసుకొని సంక్రాంతి నాటికి ప్రేక్ష‌కుల ముందుకు రానుంది. వంశీ పైడిపల్లి - మ‌హేష్ ల కాంబోలో రాబోతోన్న చిత్రం షూటింగ్ నిన్న డెహ్రాడూన్ లో ప్రారంభ‌మైమంది. 4 నెలల్లో ఈ సినిమా షూటింగ్ పూర్తి చేసి... మిగ‌తా స‌మ‌యాన్ని పోస్ట్ ప్రొడక్షన్ కు కేటాయిస్తారట. రాబోయే సంక్రాంతి బ‌రిలో త్రిముఖ పోరు త‌ప్పేలా లేదు. మ‌రి వ‌చ్చే ఏడాది సంక్రాంతి సెంటిమెంట్ ఎవ‌రికి వ‌ర్క‌వుట్ అవుతుందో వేచి చూడాలి.