ఆదికి అది తెలిసిందట.. మారానంటున్నాడు

రికవరీ బాబ్జీ.. సాయి కుమార్ కొడుకు ఆది నటించిన కొత్త సినిమా చుట్టాలబ్బాయిలో.. ఈ కుర్రాడి కేరక్టర్ పేరు ఇది. ఇదేదో కమెడియన్ కి పెట్టే పేరులా ఉన్నా.. హీరో పేరు ఇదే. గతంలో వరుసగా మాస్ కేరక్టర్లు చేసేసి ఇరగదీద్దామని అనుకున్నాడు కానీ.. తన ఏజ్ కి మించిన కేరక్టర్లు చేయడంతోనే ఫెయిల్యూర్స్ చూడాల్సి వచ్చిందని ఆదికి అర్ధమైందట. అందుకే ఈసారి తనకి తగినట్లుగా కొత్తగా కనిపిస్తానని.. సినిమా అంతా ఎంటర్టెయిన్మెంట్ తో ఇరగదీస్తానని అంటున్నాడు ఆది.

'చుట్టాలబ్బాయి తర్వాత.. నా కెరీర్ కంప్లీట్ గా మారిపోతుంది. రాబోయే కాలంలో ప్రేక్షకులు నన్ను కొత్తగా చూస్తారు. దీని కోసం అన్ని యాంగిల్స్ లోను మారాల్సి ఉంది. ఇప్పుడు కొత్త సినిమాలు సైన్ చేయకపోవడానికి రీజన్ ఇదే. చుట్టాలబ్బాయి సూపర్బ్ గా వచ్చింది. గతంలో మాదిరిగా మాస్ ని టార్గెట్ చేసి కాకుండా.. అన్ని వర్గాల ప్రేక్షకులను ఆకట్టుకునేలా ఈ చిత్రాన్ని తీర్చిదిద్దాడు దర్శకుడు వీరభద్రమ్. ఆయనకి సబ్జెక్ట్ పైనా.. స్క్రిప్ట్ పైనా ఉన్న పట్టు కారణంగానే చుట్టాలబ్బాయి అద్భుతంగా వచ్చింది' అని చెప్పాడు ఆది.

ఈ సినిమాలో పంచ్ డైలాగులు.. హీరోయిజం చూపించే సీన్స్ ఏ మాత్రం ఉండవన్న ఆది.. రికవరీ ఏజంట్ గా పని చేస్తున్న టైమ్ లో ఓ సమస్య ఎదురైతే.. దాన్ని ఎలా సాల్వ్ చేసుకున్నాడన్నదే సినిమా స్టోరీ అన్నాడు. నెరేషన్ వింటున్నపుడే సూపర్బ్ ఎంటర్టెయినర్ అని అర్ధమైందని.. ఇప్పుడు ఫైనల్ కాపీ చూశాక తన నమ్మకం నిజమైందని చెప్పాడు. ఆది చెబుతున్న మాటలు చూస్తుంటే.. కుర్రాడు అసలు విషయం గ్రహించి.. కంప్లీట్ గా మారినట్లే కనిపిస్తున్నాడని అంటున్నారు సినీ జనాలు.