నాగశౌర్య హీరోగా నటించిన చిత్రం -అబ్బాయితో అమ్మాయి. లెట్స్‌ ఫాల్‌ ఇన్‌ లవ్‌ అనేది ఉపశీర్షిక. రమేష్‌ వర్మ దర్శకత్వం వహిస్తున్నాడు. ఈరోజు రమేష్‌ వర్మ పుట్టినరోజు కానుకగా ఈ సినిమా టీజర్‌ ని రిలీజ్‌ చేశారు.
టీజర్‌ రియల్లీ సూపర్బ్‌. సింపుల్‌ ఫీల్‌ గుడ్‌ మూవీ అని సింబాలిక్‌ గా టీజర్‌ ని డిజైన్‌ చేశారు. అబ్బాయి కోసం అమ్మాయి, అమ్మాయి కోసం అబ్బాయి అన్న చందంగా ఉందీ టీజర్‌. ట్యాగ్‌ లైన్‌ లో ప్రేమలో పడదాం అని కన్ఫమ్‌ చేసేసుకున్నారు అమ్మాయి అబ్బాయి. కాబట్టి ప్రేమలో పడిపోయారు కాబట్టి ఆ తర్వాత పెద్దాళ్ల ఫీలింగ్స్‌ ఏంటో తెరపైనే చూడాలేమో! జెసి సినిమాస్‌ ఈ చిత్రాన్ని తెరకెక్కిస్తోంది. శ్యాం.కె.నాయుడు ఈ చిత్రానికి సినిమాటోగ్రఫీ అందించారు.
మూడున్నరేళ్ల పాటు నాకోసం స్టోరీ రెడీ చేసుకుని నాకోసమే వేచి చూశాడు రమేష్‌ వర్మ. నేను హీరో అవుతానా? లేదా? అనుకుంటున్న టైమ్‌ లో నాకోసమే ఈ కథ రాసుకున్నారు రమేష్‌ వర్మ. ఇంతకాలం నాకోసం వేచి చూసినందుకు రమేష్‌ వర్మకి ఈ టీజర్‌ మా కానుక అంటూ నాగశౌర్య ముచ్చటించాడు. త్వరలోనే ఆడియో రిలీజ్‌ కానుందని నిర్మాత చెప్పారు.