బిగ్ బీకి జూనియ‌ర్ బీ బ‌ర్త్ డే విషెస్‌!

అక్టోబ‌ర్ 11న బాలీవుడ్ మెగాస్టార్ అమితాబ్ బ‌చ్చ‌న్ 75వ పుట్టిన రోజు వేడుక‌లు జ‌రుపుకున్న సంగ‌తి తెలిసిందే. బిగ్ బీ పుట్టిన రోజు సంద‌ర్భంగా ట్విట్ట‌ర్లో అభిమానుల నుంచి అభినంద‌నలు వెల్లువెత్తాయి. గ‌త ఏడాదిలా కాకుండా ఈ సారి అమితాబ్ త‌న జ‌న్మ‌దిన వేడుక‌ల‌ను కుటుంబ‌స‌మేతంగా మాల్దీవుల‌లో జ‌రుపుకున్నారు. వీరంతా అక్క‌డి ఓ ల‌గ్జ‌రీ రిసార్ట్‌ లో బ‌స చేసిన‌ట్లు స‌మాచారం. అక్క‌డి  ప్రైవేట్  బీచ్ లో వారంద‌రూ పార్టీ చేసుకుని బాగా ఎంజాయ్ చేసిన‌ట్లు తెలుస్తోంది. అక్క‌డ అమితాబ్‌ బ‌చ్చ‌న్ కు అభిషేక్ బ‌చ్చ‌న్‌ - ఐశ్వ‌ర్య‌రాయ్ బ‌చ్చ‌న్‌ - శ్వేతా నంద‌లు స‌ర్ ప్రైజ్ ఇచ్చార‌ట‌. బ‌చ్చ‌న్ బ‌ర్త్ డే సెల‌బ్రేష‌న్స్ ఫొటోలు సోష‌ల్ మీడియాలో వైర‌ల్ అయ్యాయి.

ముందుగా అక్టోబ‌ర్ 10న అమితాబ్‌ - అభిషేక్‌ - ఐశ్వ‌ర్యా రాయ్ లు ముంబై నుంచి మాల్దీవుల‌కు వెళ్లారు. ఆ త‌ర్వాత శ్వేతా నంద‌ - ఆమె కూతురు నవ్య న‌వేలి అక్క‌డికి వెళ్లారు. బ‌ర్త్ డే సంద‌ర్భంగా ఒక‌ పెద్ద కేకును అమితాబ్‌ తో క‌ట్ చేయించి - బాణా సంచా కాల్చార‌ట‌. ఆ త‌ర్వాత అంతా క‌లిసి క్రూయిజ్ పార్టీ కూడా చేసుకున్నారు. వారంతా క‌లిసి....`హ్యాపీ బ‌ర్త్‌ డే` ఆంగ్ల అక్ష‌రాల‌ను బాణసంచాతో వెలిగించి బిగ్ బీకి విషెస్ చెప్పారు. ఆ మండుతున్న అక్ష‌రాల‌ను చూస్తున్న బిగ్ బీ ఫొటోను అభిషేక్ త‌న ఇన్‌ స్టాగ్రాం అకౌంట్లో పోస్ట్ చేశాడు. 75 వ‌సంతాలు గ‌డిచినా ఇంకా స్టైల్ గానే ఉన్నారు....హ్యాపీ బ‌ర్త్ డే పా....అంటూ క్యాప్ష‌న్ కూడా పెట్టాడు. ప్ర‌స్తుతం ఆ ఫొటోలు సోష‌ల్ మీడియాలో వైర‌ల్ అయ్యాయి. గ‌త ఏడాది అభిషేక్ బ‌చ్చ‌న్ పుట్టిన రోజును కూడా బ‌చ్చ‌న్ కుటుంబం మాల్దీవుల్లోనే సెల‌బ్రేట్ చేసుకుంది.