మెగాస్టార్ చిరంజీవి - మెగా పవర్ స్టార్ రామ్ చరణ్ కలిసి నటిస్తున్న తాజా చిత్రం ''ఆచార్య''. కొరటాల శివ దర్శకత్వంలో ఈ సినిమా తెరకెక్కుతోంది. సమ్మర్ కానుకగా ఈ నెలలోనే ప్రేక్షకుల ముందుకు రావాల్సిన ఈ చిత్రం కరోనా సెకండ్ వేవ్ నేపథ్యంలో వాయిదా పడింది. ఇప్పటి వరకు ఈ సినిమా నుంచి వచ్చిన ఫస్ట్ లుక్ - గ్లిమ్స్ మంచి స్పందన తెచ్చుకున్నాయి. అలానే సంగీత బ్రహ్మ మణిశర్మ స్వరపరిచిన ‘లాహే లాహే’ సాంగ్ ప్రేక్షకుల ఆదరణ దక్కించుకుంది. అర్ధనారీశ్వర ప్రేమలీలను తెలియజేసేలా ఉన్న ఈ గీతం 43 మిలియన్లకు పైగా వ్యూస్ రాబట్టింది. దీంతో ఇప్పుడీ సినిమా నుంచి మరో పాటను విడుదల చేసేందుకు చిత్ర యూనిట్ సన్నాహాలు చేస్తోంది.
'ఆచార్య' నుంచి ఓ రొమాంటిక్ సాంగ్ ను ఇప్పటికే మేకర్స్ సిద్ధం చేసినట్లు సమాచారం. అయితే ఈ పాట చిరంజీవి పై చిత్రీకరించిందా లేక చరణ్ పాత్రకు సంబంధించిందా అనేది తెలియాల్సి ఉంది. ఈ రొమాంటిక్ గీతం చెర్రీ పై షూట్ చేసిందైతే ప‌ర్లేదు కానీ.. చిరు లాంటి పెద్ద హీరో నుంచి వ‌స్తేనే కాస్త ఎబ్బెట్టుగా అనిపిస్తుందని ఫిలిం సర్కిల్స్ లో కామెంట్స్ వినిపిస్తున్నాయి. త్వరలోనే ఈ పాట పై స్పష్టత వస్తుందేమో చూడాలి. కాగా, ధర్మస్థలి అనే ఊరి నేపథ్యంలో సామాజిక అంశాలతో కూడిన కథాంశంతో కొరటాల ఈ చిత్రాన్ని రూపొందిస్తున్నారు.
ఇప్పటికే 90శాతం షూటింగ్ పూర్తవ్వగా.. మరో రెండు వారాల చిత్రీకరణ మాత్రమే మిగిలి ఉందని తెలుస్తోంది. కరోనా పరిస్థితులు చక్కబడిన వెంటనే షూటింగ్ తిరిగి ప్రారంభించనున్నారు. ఇందులో చిరు కు జోడీగా కాజల్ అగర్వాల్ నటిస్తుండగా.. చరణ్ సరసన పూజాహెగ్డే ఆడిపాడుతోంది. రెజీనా కసండ్రా ఓ స్పెషల్ సాంగ్ లో నర్తించనుంది. ఈ చిత్రానికి సురేష్ సెల్వరాజన్ ప్రొడక్షన్ డిజైనర్ గా వ్యవహరిస్తున్నారు. తిరు సినిమాటోగ్రఫీ అందిస్తుండగా.. నవీన్ నూలి ఎడిటింగ్ వర్క్ చేస్తున్నారు. కొణిదెల ప్రొడక్షన్స్ సమర్పణలో మాట్నీ ఎంటర్‌టైన్మెంట్స్ బ్యానర్ పై నిరంజన్ రెడ్డి ఈ చిత్రాన్ని నిర్మిస్తున్నారు.
'ఆచార్య' నుంచి ఓ రొమాంటిక్ సాంగ్ ను ఇప్పటికే మేకర్స్ సిద్ధం చేసినట్లు సమాచారం. అయితే ఈ పాట చిరంజీవి పై చిత్రీకరించిందా లేక చరణ్ పాత్రకు సంబంధించిందా అనేది తెలియాల్సి ఉంది. ఈ రొమాంటిక్ గీతం చెర్రీ పై షూట్ చేసిందైతే ప‌ర్లేదు కానీ.. చిరు లాంటి పెద్ద హీరో నుంచి వ‌స్తేనే కాస్త ఎబ్బెట్టుగా అనిపిస్తుందని ఫిలిం సర్కిల్స్ లో కామెంట్స్ వినిపిస్తున్నాయి. త్వరలోనే ఈ పాట పై స్పష్టత వస్తుందేమో చూడాలి. కాగా, ధర్మస్థలి అనే ఊరి నేపథ్యంలో సామాజిక అంశాలతో కూడిన కథాంశంతో కొరటాల ఈ చిత్రాన్ని రూపొందిస్తున్నారు.
ఇప్పటికే 90శాతం షూటింగ్ పూర్తవ్వగా.. మరో రెండు వారాల చిత్రీకరణ మాత్రమే మిగిలి ఉందని తెలుస్తోంది. కరోనా పరిస్థితులు చక్కబడిన వెంటనే షూటింగ్ తిరిగి ప్రారంభించనున్నారు. ఇందులో చిరు కు జోడీగా కాజల్ అగర్వాల్ నటిస్తుండగా.. చరణ్ సరసన పూజాహెగ్డే ఆడిపాడుతోంది. రెజీనా కసండ్రా ఓ స్పెషల్ సాంగ్ లో నర్తించనుంది. ఈ చిత్రానికి సురేష్ సెల్వరాజన్ ప్రొడక్షన్ డిజైనర్ గా వ్యవహరిస్తున్నారు. తిరు సినిమాటోగ్రఫీ అందిస్తుండగా.. నవీన్ నూలి ఎడిటింగ్ వర్క్ చేస్తున్నారు. కొణిదెల ప్రొడక్షన్స్ సమర్పణలో మాట్నీ ఎంటర్‌టైన్మెంట్స్ బ్యానర్ పై నిరంజన్ రెడ్డి ఈ చిత్రాన్ని నిర్మిస్తున్నారు.