'సర్కారు వారి పాట' లో విలన్ గా యాక్షన్ హీరో..?

సూపర్‌ స్టార్ మహేష్ బాబు నటిస్తున్న లేటెస్ట్ యాక్షన్ ఎంటర్టైనర్ ''సర్కారు వారి పాట''. పరశురామ్ పెట్లా దర్శకత్వం వహిస్తున్న ఈ చిత్రంలో కీర్తి సురేష్ హీరోయిన్ గా నటిస్తోంది. అయితే ఈ మూవీలో మహేష్ కి ప్రతినాయకుడిగా ఎవరు నటిస్తున్నారనే దానిపై నిత్యం ఏదొక వార్త వస్తూనే ఉంది. కన్నడ సీమకు చెందిన ఉపేంద్ర - కిచ్చా సుదీప్.. బాలీవుడ్ స్టార్ అనిల్ కపూర్.. కోలీవుడ్ స్టార్ అరవింద్ స్వామి వంటి వారి పేర్లు తెరపైకి వచ్చాయి. కానీ ఇంతవరకు విలన్ రోల్ కోసం ఎవరిని ఫైనలైజ్ చేశారనే దానిపై క్లారిటీ రాలేదు. ఈ క్రమంలో లేటెస్టుగా 'సర్కారు వారి..' విలన్ అంటూ మరో యాక్షన్ హీరో పేరు వినిపిస్తోంది.

ఇందులో విలన్ క్యారక్టర్ కోసం యాక్షన్ హీరో అర్జున్ ని చిత్ర బృందం సంప్రదిస్తోందని రూమర్స్ వస్తున్నాయి. ఒకప్పుడు యాక్షన్ హీరోగా తెలుగు ప్రేక్షకులను మెప్పించిన అర్జున్.. ఇప్పుడు ప్రతినాయకుడు పాత్రలు కూడా పోషిస్తున్న సంగతి తెలిసిందే. ఈ క్రమంలో 'సర్కారు వారి పాట' సినిమాలో నటిస్తున్నారని అంటున్నారు. ఇందులో నిజమెంతో తెలియాలంటే ఇంకొన్నాళ్లు ఆగాల్సిందే. ఇకపోతే ఈ సినిమాలో వెన్నెల కిషోర్ - ప్రకాష్ రాజ్ - రావు రమేష్ తదితరులు కీలక పాత్రలు పోషిస్తున్నారు.

కాగా, 'సర్కారు వారి పాట' చిత్రాన్ని 2022 సంక్రాంతిని టార్గెట్ గా పెట్టుకొని రూపొందిస్తున్నారు. ఇటీవల క్లాస్ రోల్స్ చేస్తున్న మహేష్.. ఈసారి వింటేజ్ లుక్ లో కనిపించనున్నట్లు ప్రీ లుక్ మోషన్ పోస్టర్ తో హింట్ ఇచ్చారు. ఈరోజు కృష్ణ బర్త్ డే సందర్భంగా ఏదైనా అప్డేట్ ఇవ్వాలని అనుకున్నారు. కానీ కోవిడ్ పరిస్థితుల్లో సినిమాకు సంబంధించిన అప్డేట్స్ వెల్లడించలేమని మేకర్స్ ప్రకటించారు. ఈ చిత్రానికి థమన్ సంగీతం సమకూరుస్తుండగా.. మధే సినిమాటోగ్రాఫర్ గా వ్యవహరిస్తున్నారు. జీఎంబీ ఎంటర్‌టైన్‌మెంట్ - 14 రీల్స్ ప్లస్ - మైత్రీ మూవీ మేకర్స్ సంస్థలు కలిసి నిర్మిస్తున్న ఈ చిత్రాన్ని నిర్మిస్తున్నాయి.