మీటూ ఉద్యమం ప‌క్క‌దారి ప‌డుతోందా? ఈ ఉద్య‌మంలో ఆరోప‌ణ‌ల‌న్నీ న‌మ్మ‌శ‌క్యంగా లేవా? అంటే అవున‌నే యాక్ష‌న్ కింగ్ అర్జున్ ఆవేద‌న తెలియ‌జేస్తోంది. మీటూ- నిందారోప‌ణ‌ల్లో అస‌త్య ఆరోప‌ణ‌లే ఎక్కువ ఉన్నాయ‌న్న సంకేతాలు జ‌నంలోకి వెళుతున్నాయ‌ని - ఉద్యమం బ‌ల‌హీన ప‌డింద‌ని ఆయన వ్యాఖ్యానించారు. నాణేనికి బొమ్మ - బొరుసు ఉన్న చందంగా అవ‌స‌రానికి అప్పుడ‌లా - అవ‌స‌రం తీరాక ఇప్పుడిలా అన్న చందంగా కొంద‌రు క‌థానాయిక‌లు దొంగాట‌కం ఆడుతున్నార‌న్న విమ‌ర్శ‌లు మ‌రోవైపు తీవ్రంగానే వినిపిస్తున్నాయి. లైంగిక ఆరోప‌ణ‌ల పేరుతో హీరోల్ని వేధించే ప‌నిలో ప‌డ్డార‌న్న విమ‌ర్శ‌ల న‌డుమ `మేల్ మీటూ ఉద్యమం` మొద‌లైంది.
నిన్న‌టికి నిన్న యాక్ష‌న్ కింగ్ అర్జున్ పై న‌టి శృతి హ‌రిహ‌ర‌ణ్ ఆరోప‌ణ‌లు చేసిన సంగ‌తి తెలిసిందే. అర్జున్ త‌న‌ని వేధించార‌ని .. అప్పుడు చెప్ప‌లేక‌పోయినా.. ఇప్పుడు కుదిరింద‌ని శృతి అన‌డంతో యాక్ష‌న్ కింగ్ అభిమానులు దానికి తీవ్రంగా ఖండించారు. ఫ్రీ- పబ్లిసిటీ కోస‌మే ఇలా రోడ్డుకీడుస్తోంద‌న్న వాద‌నా వినిపించారు. ఒక జెంటిల్‌ మేన్‌ పైనే ఇలాంటి ఆరోప‌ణ‌లు చేస్తావా? అంటూ సామాజిక మాద్య‌మాల వేదిక‌గా శృతిని ట్రోల్ చేశారు.
తాజాగా ఓ మీడియా ఇంట‌ర్వ్యూలో అర్జున్ త‌న‌పై వ‌చ్చిన ఆరోప‌ణ‌ల్ని ఖండించారు. ఇవన్నీ నిరాధారమైన ఆరోపణలేన‌ని - తాను ఎన్నడూ హీరోయిన్లను వేధించలేదని చెప్పారు. ఈ తరహా ఆరోపణలతో `మీటూ`ఉద్యమం బలహీనపడింద‌ని అభిప్రాయ‌ప‌డ్డారు. ఉన్న‌వీ - లేనివీ క‌ల్పించి చెప్ప‌డం ద్వారా ఇంకేదో కుట్ర జ‌రుగుతోంద‌ని - దానిని ఎదుర్కొని పోరాడ‌తాన‌ని ఆయన ఓ త‌మిళ ప‌త్రికు ఇచ్చిన ఇంట‌ర్వ్యూలో పేర్కొన్నారు. శృతి హరిహరన్ తో తాను ఒకే ఒక్క సినిమాలో నటించానని చెప్పిన ఆయన - షూటింగ్ సమయంలో ఒక్కసారి కూడా ఒంటరిగా కలుసుకున్న‌దే లేద‌ని తెలిపారు.
నిన్న‌టికి నిన్న యాక్ష‌న్ కింగ్ అర్జున్ పై న‌టి శృతి హ‌రిహ‌ర‌ణ్ ఆరోప‌ణ‌లు చేసిన సంగ‌తి తెలిసిందే. అర్జున్ త‌న‌ని వేధించార‌ని .. అప్పుడు చెప్ప‌లేక‌పోయినా.. ఇప్పుడు కుదిరింద‌ని శృతి అన‌డంతో యాక్ష‌న్ కింగ్ అభిమానులు దానికి తీవ్రంగా ఖండించారు. ఫ్రీ- పబ్లిసిటీ కోస‌మే ఇలా రోడ్డుకీడుస్తోంద‌న్న వాద‌నా వినిపించారు. ఒక జెంటిల్‌ మేన్‌ పైనే ఇలాంటి ఆరోప‌ణ‌లు చేస్తావా? అంటూ సామాజిక మాద్య‌మాల వేదిక‌గా శృతిని ట్రోల్ చేశారు.
తాజాగా ఓ మీడియా ఇంట‌ర్వ్యూలో అర్జున్ త‌న‌పై వ‌చ్చిన ఆరోప‌ణ‌ల్ని ఖండించారు. ఇవన్నీ నిరాధారమైన ఆరోపణలేన‌ని - తాను ఎన్నడూ హీరోయిన్లను వేధించలేదని చెప్పారు. ఈ తరహా ఆరోపణలతో `మీటూ`ఉద్యమం బలహీనపడింద‌ని అభిప్రాయ‌ప‌డ్డారు. ఉన్న‌వీ - లేనివీ క‌ల్పించి చెప్ప‌డం ద్వారా ఇంకేదో కుట్ర జ‌రుగుతోంద‌ని - దానిని ఎదుర్కొని పోరాడ‌తాన‌ని ఆయన ఓ త‌మిళ ప‌త్రికు ఇచ్చిన ఇంట‌ర్వ్యూలో పేర్కొన్నారు. శృతి హరిహరన్ తో తాను ఒకే ఒక్క సినిమాలో నటించానని చెప్పిన ఆయన - షూటింగ్ సమయంలో ఒక్కసారి కూడా ఒంటరిగా కలుసుకున్న‌దే లేద‌ని తెలిపారు.