పూరికి కూడా ఐషా శర్మ ఝలక్

కొత్త హీరోల లాంఛ్ చేయాలంటే పూరీని మించిన డైరెక్టర్ లేడన్నది సౌత్ సినిమా ఇండస్ట్రీకి తెలిసిన వాస్తవం. ప్రస్తుతం వరుణ్ తేజ్ లోఫర్ ని రిలీజ్ కి రెడీ చేసిన పూరీ జగన్నాధ్.. ఇప్పటికే రోగ్ అనే మూవీ షూటింగ్ స్టార్ట్ చేసేశాడు. ఇందులో నిర్మాత సీఆర్ మనోహర్ కుమారుడు హీరో.

రోగ్ లో ఇషాన్ సరసన నటించేందుకు మొదట అమైరా దస్తూర్ ని హీరోయిన్ గా తీసుకోవాలని భావించాడు పూరీ. ఈమెని ఫిక్స్ అయిపోయి షెడ్యూల్స్ కూడా ప్లాన్ చేసేశాడు. అయితే.. ఆమె సడెన్ గా నో చెప్పేయడంతో.. చివరకు ఐషా శర్మను హీరోయిన్ గా తీసుకుని మూవీ స్టార్ట్ చేసేశాడు. ఈ భామ ఎవరో కాదు.. రామ్ చరణ్ లాంఛింగ్ మూవీ చిరుతలో చెర్రీ పక్కన నటించిన నేహా శర్మ చెల్లెలే. ఐషా శర్మతో ఇప్పటికే బ్యాంకాక్ లో ఓ షెడ్యూల్ షూట్ కూడా కంప్లీట్ చేశాడు పూరీ. ఏమైందో తెలీదు కానీ.. సడెన్ గా ఈ సినిమా నుంచి ఐషా తప్పుకుంటున్నట్లు చెప్పేసిందట. దీంతో ప్లానింగ్ దెబ్బతిని పూరీ  మహా చిరాగ్గా ఉన్నాడని టాక్ వినిపిస్తోంది.

ఐషాకు ఇప్పుడంటే పూరీకి హ్యాండ్ ఇచ్చింది కానీ.. అసలు ఈమెకు ఇలా చేయడం అలవాటు అయిపోయిందంటున్నారు టాలీవుడ్ జనాలు. గతంలో ఎనర్జిటిక్ హీరో రామ్ "శివం"లోనూ ఇలాగే చేసింది. దీంతో తర్వాత రాశి ఖన్నాను తీసుకుని కంప్లీట్ చేయాల్సి వచ్చింది. ఆ తర్వాత చైతు కోసం మజ్నులోనూ ఓ హీరోయిన్ గా ఐషా శర్మను తీసుకోవాలని అనుకున్నా.. ఆ కాంబినేషన్ కూడా సెట్ కాలేదు.