‘ఆదిపురుష్’ ప్రారంభోత్స‌వంలో అజ‌య్ దేవ‌గ‌న్‌.. ఏమ‌న్నాడంటే..?

పాన్ ఇండియా ‌స్టార్ ప్ర‌భాస్ న‌టించ‌నున్న‌ మ‌రో భారీ ప్ర‌తిష్టాత్మ‌క చిత్రం ఆదిపురుష్‌. రామాయ‌ణం నేప‌థ్యంలో తెర‌కెక్క‌నున్న ఈ మూవీని బాలీవుడ్ ప్ర‌ముఖ ద‌ర్శ‌కుడు ఓమ్ రౌత్ తెర‌కెక్కిస్తున్నారు. టీ-సిరీస్ భారీ బ‌డ్జెట్‌తో ఈ చిత్రాన్ని నిర్మించ‌నుంది.

ఈ చిత్రం ప్రారంభోత్సవం ఈ రోజు ఘనంగా జరిగింది. ఈ వేడుకకు బాలీవుడ్ నటుడు అజయ్ దేవ్‌గన్ ప్రత్యేక అతిథిగా హాజరయ్యారు. ఈ మేరకు ‘ఆదిపురుష్’ ముహూర్తపు చిత్రాన్ని ట్విటర్ లో షేర్ చేశాడు దేవ్ గన్.

చిత్ర బృందానికి ప్ర‌త్యేక కృత‌జ్ఞ‌త‌లు తెలిపిన అజ‌య్‌.. ఈ మూవీ భారీ విజ‌యం సాధిస్తుంద‌ని ఆశాభావం వ్య‌క్తం చేశారు. ‘‘డైరెక్టర్ ఓం మరియు మొత్తం చిత్ర బృందానికి శుభాకాంక్ష‌లు. ఆదిపురుష్ నేటి నుంచి సెట్స్ పైకి వెళ్తోంది. ఈ ప్ర‌యాణం అంద‌రికీ ప్ర‌త్యేకంగా నిలుస్తుంద‌ని ఆశిస్తున్నాను’’ అని రాసుకొచ్చాడు దేవ్ గన్. అంతేకాకుండా.. ప్రభాస్ తో కలిసి ఉన్న ఫొటోను కూడా షేర్ చేశాడు.

ఇక, ఆదిపురుష్ కాకుండా.. రాధేశ్యామ్, సలార్ చిత్రాల్లో ప్రభాస్ నటిస్తున్న విషయం తెలిసిందే. రాధాకృష్ణ ద‌ర్శ‌క‌త్వంలో తెర‌కెక్కుతున్న రాధేశ్యామ్ చిత్రం ఈ వేస‌విలో విడుద‌ల‌కు సిద్ధ‌మ‌వుతోంది. ప్ర‌శాంత్ నీల్ డైరెక్ష‌న్లో రూపొందుతున్న భారీ యాక్ష‌న్ డ్రామా.. ఈ మ‌ధ్య‌నే ప్రారంభ‌మైంది. ఇవి పూర్త‌యిన త‌ర్వాత‌.. నాగ్ అశ్విన్ డైరెక్ష‌న్లో ఓ సైన్స్ ఫిక్ష‌న్ మూవీని కూడా చేయ‌నున్నాడు రెబ‌ల్ స్టార్‌.