అక్కినేని స‌మంత మోగించారు జేగంట‌!

అక్కినేని కోడ‌లు స‌మంత బ్యాక్ టు బ్యాక్ సినిమాల‌తో బిజీ అవుతున్న సంగ‌తి తెలిసిందే. సామ్ న‌టించిన ఫ్యామిలీ మ్యాన్ సీజ‌న్ 2 సిరీస్ అమెజాన్ ప్రైమ్ లో స్ట్రీమింగుకి రెడీ అవుతుండ‌గా.. మ‌రోవైపు స‌మంత శాకుంత‌లం సినిమా ప్రిప‌రేష‌న్ లో ఉన్నారు.

ఇప్ప‌టికే లుక్ కోసం ప్రిప‌రేష‌న్ మొద‌లైంద‌ని.. స్క్రిప్టు సంపూర్ణంగా రెడీ అవుతోంద‌ని కూడా సామ్ తాజాగా వెల్ల‌డించారు. అందుకు సంబంధించిన ఫోటోల్ని రివీల్ చేయ‌గా క్యూరియాసిటీ మొద‌లైంది. ద‌ర్శ‌క‌నిర్మాత గుణ‌శేఖ‌ర్ శాకుంత‌లం చిత్రాన్ని ఎంతో ప్ర‌తిష్ఠాత్మ‌కంగా తీసుకుని పాన్ ఇండియా కేట‌గిరీలో తెర‌కెక్కించే ప్ర‌య‌త్నాల్లో ఉన్న సంగ‌తి తెలిసిందే.

స‌మంత ఈ మూవీని ప్ర‌తిష్ఠాత్మ‌కంగా భావించార‌ని.. లుక్ ప‌రంగా చాలా జాగ్ర‌త్త‌లు తీసుకుంటున్నార‌ని తాజా స‌న్నాహ‌కాలు చెబుతున్నాయి. విశ్వామిత్ర‌- మేన‌క‌ల కుమార్తె శ‌కుంత‌ల లుక్ కోసం ప్రిప‌రేష‌న్ సాగుతోంద‌ని సామ్ తాజాగా వెల్ల‌డించారు. అలాగే స్క్రిప్టు పేప‌ర్ పెన్ ఉన్న ఫోటోని కూడా రివీల్ చేశారు. మొత్తానికి గుణ పూర్తి స్థాయిలో జేగంట మోగించిన‌ట్టేన‌ని అర్థ‌మ‌వుతోంది.

ఈ సినిమాతో పాటు స‌మంత త‌దుప‌రి ప్ర‌శాంత్ వ‌ర్మ ద‌ర్శ‌క‌త్వంలో జాంబీ మూవీలో న‌టిస్తార‌ని ఊహాగానాలు సాగుతున్నాయి. దీనికి సంబంధించి ప్ర‌శాంత్ స్వ‌యంగా వివ‌రాలు వెల్ల‌డించాల్సి ఉంటుంది. అలాగే న‌య‌న్ - సేతుప‌తిల‌తో క‌లిసి ఓ త‌మిళ చిత్రంలోనూ సామ్ న‌టిస్తోంది. మాయ ఫేం శ‌క్తి శ‌ర‌వ‌ణ‌న్ తోనూ సినిమా చేయ‌నుంది.