అక్ష‌య్..వారి మ‌న‌సుల‌ను గెలిచాడు

చాలామంది న‌టులు సినిమాల్లోనే హీరోలుగా ఉంటారు. కానీ కొంద‌రు నిజ జీవితంలో కూడా ఆ స్థాయిలో అభిమానాన్ని పొందగ‌ల‌రు. త‌న చిన్నారుల‌ను ఆత్మీయంగా ద‌గ్గ‌ర తీసుకోవ‌డం ద్వారా బాలీవుడ్ హీరో అక్ష‌య్ కుమార్ అభిమానుల నుంచి  ఇపుడు అదే ప్ర‌శంస‌ను  పొందుతున్నారు. తాజాగా క్రితం త‌న చిన్నారీ కూతురు నిటారా - స‌తీమ‌ణి ట్వింకిల్ ఖ‌న్నాతో కలిసి అక్ష‌య్ ఓ సినిమాకు వెళ్లిన సంద‌ర్భంలో ఈ నిజ‌జీవిత హీరోయిజం బ‌య‌ట‌ప‌డింది.

సినిమా చూసి బ‌య‌ట‌కు వ‌స్తుండ‌గా స‌హ‌జంగానే అగ్ర‌హీరో వ‌చ్చాడ‌ని తెలిసిన మీడియా కెమెరాల‌తో హ‌ల్ చ‌ల్ చేసింది. ఈ ప‌రిణామంతో ఒకింత భ‌య‌ప‌డి పోయిన నిటారా తండ్రిని గ‌ట్టిగా వాటేసుకుంది. దీంతో అక్ష‌య్ త‌న చిన్నారిని ద‌గ్గ‌ర తీసుకొని భ‌య‌ప‌డాల్సిన అవ‌స‌రం లేదంటూ స‌ర్దిచెప్పారు. జాగ్ర‌త్త‌గా ఆమెను ఓదార్చారు. అంతేకాదు వెన‌కాలే వ‌స్తున్న స‌తీమ‌ణి ట్వింకిల్ ను కూడా ఏ మాత్రం కంగారు పెట్ట‌కుండా హ్యాపీగా న‌డుచుకుంటూ వెళ్లారు. ఈ ఎపిసోడ్‌ ను చూసిన అక్ష‌య్ అభిమానులు త‌మ స్టార్ కుటుంబ అభిమానాన్ని చూసి ఫిదా అవుతున్నారు. ఏమాత్రం భేష‌జాలు లేకుండా ఇటు మీడియాను - అటు ఫ్యాన్స్‌ ను అన్నింటికంటే త‌మ చిన్నారిని ఇబ్బందిపెట్ట‌కుండా నిజ జీవిత హీరోగా నిరూపించుకున్నాడ‌ని చెప్తున్నారు. అక్ష‌య్ న‌టించిన రుస్తుం సినిమా త్వ‌ర‌లో విడుద‌ల కానున్న నేప‌థ్యంలో ఘ‌న విజ‌యం సాధిస్తుంద‌ని భ‌రోసా వ్య‌క్తం చేస్తున్నారు.