మ్యూజిక్ 'మొఘల్'పై అక్షయ్ బయోపిక్

బయోపిక్స్ తో బాలీవుడ్ స్టార్ హీరో అక్షయ్ కుమార్ చరిత్ర సృష్టింటేట్లుగా ఉన్నాడు. ప్రస్తుంత బాలీవుడ్ లో బయోపిక్స్ సీజన్ నడుస్తోంది. కానీ ఈ ఖిలాడి రేంజ్ లో బయోపిక్ లు తీయడం ఎవరి వల్లా కావడం లేదు. ఏడాదికి మూడు నాలుగు సినిమాలు రిలీజ్ చేసేసే అక్షయ్.. అందులో కనీసం రెండు బయోపిక్స్ ఉండేలా చూసుకుంటున్నాడు.

గతేడాది ఎయిర్ లిఫ్ట్.. రుస్తొం చిత్రాలతో సూపర్ సక్సెస్ లు సాధించాడు అక్షయ్ కుమార్. రీసెంట్ గా స్టాప్ట్ చేసిన ప్యాడ్ మ్యాన్ మూవీ కూడా బయోపిక్ మూవీనే. ఈ ప్యాడ్ మ్యాన్ ను అక్షయ్ వైఫ్.. మాజీ  హీరోయిన్ అయిన ట్వింకిల్ ఖన్నా నిర్మిస్తుండగా.. ఇప్పుడీ ఖిలాడీ హీరోగా కొత్త సినిమా అనౌన్స్ అయింది. మ్యూజిక్ మొఘల్ గా గుర్తింపు పొందిన గుల్షన్ కుమార్ జీవిత చరిత్రను సినిమాగా మలుస్తున్నాడు అక్షయ్ కుమార్. సినిమా పేరు 'మొఘల్'. ది గుల్షన్ కుమార్ స్టోరీ అనేది ట్యాగ్ లైన్ కాగా.. ది ఎంపరర్ ఆఫ్ మ్యూజిక్ అనేది క్యాప్షన్.

మొఘల్ మూవీకి నిర్మాత గుల్షన్ కుమార్ భార్య సుదేష్ కుమారి. టీ సిరీస్ బ్యానర్ పైనే ఈ మూవీ తెరకెక్కనుంది. అక్షయ్ కుమార్ తో రీసెంట్ గా జాలీ ఎల్ ఎల్ బీ2 అంటూ సక్సెస్ సాధించిన డైరెక్టర్ సుభాష్ కపూర్.. మొఘల్ చిత్రానికి దర్శకత్వం వహించనున్నాడు. 2017 చివరలో ఈ మూవీ షూటింగ్ ప్రారంభం కానుండగా.. ఇప్పుడీ చిత్రానికి సిల్హౌట్ రూపంలో ఫస్ట్ లుక్ రిలీజ్ చేశారు.

Like Us on Facebook : https://www.facebook.com/Tupakidotcom/