ధృవ ట్రీట్ కూడా కన్ఫామేనట

ఆల్రెడీ ఒకసారి ఫస్ట్ లుక్ తో ఆకట్టుకున్నాడు రామ్ చరణ్‌. నిజానికి వచ్చే వారం ''ధృవ'' సినిమా రిలీజ్ అయిపోయి ప్రకంపనాలు సృష్టించే దిశగా అడుగులు వేయాలి. కాని అనివార్య కారణాల వలన సినిమాను డిసెంబర్ లోకి పోస్టుపోన్ చేశారు. అందుకే ఇప్పుడు సినిమాకు సంబంధించిన ఏదో ఒక ట్రీట్ ఇచ్చేసి మెగా ఫ్యాన్స్ ను ఖుషీ చేయాలని చూస్తున్నాడు మెగా పవర్ స్టార్.

ఈ దసరాకు ''ధృవ'' సినిమా టీజర్ వస్తోందని ఎప్పటినుండో టాక్ వినిపిస్తోంది. అందుకు తగ్గట్టుగా నిజంగానే దర్శకుడు సురేందర్ రెడ్డి ఒక ప్రత్యేక టీజర్ ను రెడీ చేస్తున్నాడు. ఇందులో రామ్ చరణ్‌ డైలాగును ఉంచాలా లేదా అనే విషయంపై ఇంకా క్లారిటీ లేదు కాని.. ఒకవేళ చరణ్‌ డైలాగ్ పెడితే మాత్రం ఆ డైలాగ్ వెంటనే ఈ మెగా హీరో డబ్బింగ్ చెప్పేలా ఏర్పాట్లు చేశారట. మ్యూజిక్ కంపోజర్ హిప్ హాప్ తమిళ కూడా ఇప్పటికే మాంచి స్టన్నింగ్ బ్యాగ్రౌండ్ స్కోర్ ఒకటి కంపోజ్ చేశాడని తెలుస్తోంది. అందుకే ఈ టీజర్ ను కన్ఫామ్ గా చరణ్‌ రిలీజ్ చేస్తాడనే టాక్ నడుస్తోంది మరి.

డిసెంబర్ లో ''ధృవ'' సినిమాను రిలీజ్ చేయాలంటే.. ముందుగా అక్టోబర్ చివరకల్లా సినిమాను పూర్తిగా పూర్తి చేసి.. మనోళ్లు వెంటనే ప్రమోషన్లలోకి దిగాలి. ఒక నెలంతా ప్రమోట్ చేసి వదిలితేనే ఈరోజుల్లో స్టార్ హీరోలెవరికైనా 80 కోట్ల టార్గెట్ పాజిబుల్ అయ్యేది.


Like Us on Facebook : https://www.facebook.com/Tupakidotcom/