ఆ స్టార్ హీరోకు కథ చెప్పిన సుజిత్

స్టైలిష్ స్టార్ అల్లు అర్జున్ లాస్ట్ సినిమా 'నా పేరు సూర్య' విడుదలై దాదాపు ఏడెనిమిది నెలలు అవుతున్నా ఇంకా తన కొత్త సినిమాను ప్రారంభించలేదు.  ఇంత గ్యాప్ తీసుకొని మరీ త్రివిక్రమ్ సినిమాకు గ్రీన్ సిగ్నల్ ఇవ్వడానికి కారణం బన్నీ తన కథల ఎంపిక విషయంలో మరింత జాగ్రత్త వహించడమే.  ఈమధ్య చేసిన సినిమాలు ప్రేక్షకులను సరిగా మెప్పించలేకపోవడంతో బన్నీ తన ఫ్యూచర్ ప్రాజెక్టుల విషయంలో మరింత జాగ్రత్తగా ఉంటున్నాడట.  త్రివిక్రమ్ సినిమా ఫైనలైజ్ అయినా బన్నీ మాత్రం కథలు వింటున్నాడట.

రీసెంట్ గా యువ దర్శకుడు సుజిత్ స్టైలిష్ స్టార్ కు ఒక ఇంట్రెస్టింగ్ కథ వినిపించాడట. కథ నచ్చడంతో దానిని పూర్తి స్థాయి స్క్రిప్ట్ గా తీర్చిదిద్దమని బన్నీ సుజిత్ కు సూచించాడట.  సుజిత్ ప్రస్తుతం ప్రభాస్ తో 'సాహో' ను తెరకెక్కిస్తున్న సంగతి తెలిసిందే.  'సాహో' ను యూవీ క్రియేషన్స్ వారు భారీ బడ్జెట్ తో నిర్మిస్తున్నారు.  యూవీవారే సుజిత్ - బన్నీ సినిమా ను సెట్ చేసేందుకు ప్రయత్నిస్తున్నారట.  బన్నీ గ్రీన్ సిగ్నల్ ఇస్తే గీతా ఆర్ట్స్ తో కలిసి ఈ సినిమాను సంయుక్తంగా నిర్మించేందుకు రెడీగా ఉన్నారట.

బన్నీ-త్రివిక్రమ్ సినిమా ప్రస్తుతం జోరుగా ప్రీ ప్రొడక్షన్ జరుపుకుంటోంది.  ఈ సినిమా పూర్తయ్యే లోపు సుజిత్ కుడా 'సాహో' సినిమాను పూర్తి చేస్తాడు అంత సవ్యంగా జరిగితే 'సాహో' తర్వాత సుజిత్-బన్నీ సినిమా పట్టాలెక్కుతుంది.   'సాహో' తరహాలోనే ఈ సినిమా కూడా భారీ బడ్జెట్ సినిమా అని సమాచారం.