ట్విస్టు: విల‌న్ కి వ‌రుడి బ్లెస్సింగ్స్!

`వ‌రుడు` విల‌న్ ఆర్య‌ ఓ ఇంటివాడ‌వుతున్న సంగ‌తి తెలిసిందే. తాను వ‌ల‌చిన స‌యేషా సైగ‌ల్ ని పెళ్లాడుతున్నాడు ఈ సీనియ‌ర్ బ్యాచిల‌ర్. ప్ర‌ముఖ బాలీవుడ్ స్టార్లు దిలీప్ కుమార్ - సైరా భానుల మ‌న‌వ‌రాలు స‌యేషా ని ప్రేమించి పెళ్లి చేసుకుంటున్నాడు. ఈ సంద‌ర్భంగా హైద‌రాబాద్ లోని ఓ ఖ‌రీదైన ఐదు న‌క్ష‌త్రాల హోట‌ల్లో జ‌రిగిన ప్రీవెడ్డింగ్ సెల‌బ్రేష‌న్స్ కి ప్ర‌ముఖ తారాగణం ఎటెండ‌య్యారు.

ఈ ప్రీవెడ్డింగ్ సెల‌బ్రేష‌న్స్ లో `వ‌రుడు` అల్లు అర్జున్ ప్ర‌త్యేక ఆక‌ర్ష‌ణ‌గానూ నిలిచారు. ఈ సంద‌ర్భంగా ఓ పాత విష‌యాన్ని గుర్తు చేసుకోవాలి. అల్లు అర్జున్ - భానుశ్రీ మెహ్రా జంట‌గా న‌టించిన `వ‌రుడు` సినిమాని ఈ సంద‌ర్భంగా త‌ల‌వాల్సిందే. ఆ చిత్రంలో వ‌ధువును ఎత్తుకెళ్లే క్రూరుడైన‌ విల‌న్ పాత్ర‌లో ఆర్య న‌ట‌న‌కు అద్భుత‌మైన ప్ర‌శంస‌లు ద‌క్కాయి అప్ప‌ట్లో. మెగా డైరెక్ట‌ర్ గుణ‌శేఖ‌ర్ ద‌ర్శ‌క‌త్వం వ‌హించిన‌ ఆ సినిమా ఫెయిల్యూర్ కి కార‌ణం హీరోని విల‌న్ డామినేట్ చేయ‌డ‌మేన‌న్న మాటా అప్ప‌ట్లో ప్ర‌ముఖంగా వినిపించింది. అయితే అలాంటి క‌థ‌ల్ని కూడా ఎంతో డేరింగ్ గా ఓకే చెప్పే ధైర్యం బ‌న్నికి మాత్ర‌మే ఉంద‌న్న ప్ర‌శంస‌లు ద‌క్కాయి.

అది పాత విష‌య‌మే అయినా.. ఆర్యతో బ‌న్ని స్నేహం ఈ సంద‌ర్భంగా మ‌రోమారు బ‌య‌ట‌ప‌డింది. ఆర్య ప్రీవెడ్డింగ్ వేడుక‌లో బ‌న్ని సంద‌డి ప్ర‌త్యేకంగా చ‌ర్చ‌కువ వ‌చ్చింది. ఇదే వేడుక‌లో బాలీవుడ్ స్టార్ సంజ‌య్ ద‌త్ స‌హా సూర‌జ్ పాంచోళి, ఆదిత్య పాంచోళి వంటి ప్ర‌ముఖులు అటెండ‌య్యారు. ప్రీవెడ్డింగ్ హైద‌రాబాద్ లో ముగిసింది. అలాగే పెళ్లి వేడుక చెన్న‌య్ లో నేడు జ‌ర‌గ‌నుంద‌ని తెలుస్తోంది. ఇక ఈ ప్రీవెడ్డింగ్ వేడుక‌కు టాలీవుడ్ నుంచి ఎవ‌రెవ‌రు వెళ్లారు? అన్న‌ది తెలియాల్సి ఉందింకా.