డీజేలో గబ్బర్ సింగ్ బైక్..?

అల్లు అర్జున్ లేటెస్ట్ మూవీ డీజే-దువ్వాడ జగన్నాధం ఫస్ట్ లుక్ రిలీజ్ అయింది. సాంప్రదాయ బ్రాహ్మణుడి గెటప్ లో ఉన్న బన్నీ లుక్ కి సూపర్బ్ రెస్పాన్స్ వస్తోంది. ఈ లుక్ లో ఓ బజాజ్ స్కూటర్ నడుపుకుంటూ వస్తున్న బన్నీ మనకు కనిపిస్తాడు. ఇప్పుడీ సినిమాకి.. పవన్ కళ్యాణ్ మూవీ గబ్బర్ సింగ్ కు ఓ పోలిక పెట్టేస్తున్నారు నెటిజన్లు.

డీజేలో బన్నీ నడుపుతున్న స్కూటర్ నెంబర్ ఏపీ 16ఈఏ 2425. ఈ నెంబర్ దగ్గరే కంపేరిజన్ వస్తోంది. గబ్బర్ సింగ్ మూవీలో పవన్ కళ్యాణ్ ఓ బైక్ నడుపతూ కనిపిస్తాడు. ఈ సినిమాలో పవర్ స్టార్ వాడే రాయల్ ఎన్ఫీల్డ్ బైక్ నెంబర్ ఏపీ 27జీఎస్ 2425. ఇప్పుడు బన్నీ కూడా ఇదే 2425 నెంబర్ ను ఉపయోగించడం ఆశ్చర్యం కలిగించే విషయమే. బన్నీ వర్సెస్ పవన్ అంటూ రకరకాల కామెంట్స్ వినిపించే నేపథ్యంలో.. ఇలా పవన్ బైక్ నెంబర్ ను.. బన్నీ స్కూటర్ కి ఉపయోగించడం కొంచెం విడ్డూరం అనే చెప్పాలి.

అయితే.. ఈ రెండు సినిమాలకు దర్శకుడు ఒక్కడే అనే విషయం మర్చిపోకూడదు. ఇదేమీ కాకతీళయంగా జరగలేదని.. డైరెక్టర్ హరీష్ శంకర్ ఉద్దేశ్యపూర్వకంగానే పవన్ బైక్ కి ఉపయోగించిన నెంబర్ నే.. బన్నీ స్కూటర్ కి కూడా వాడాడని అనే టాక్ వినిపిస్తోంది.

Like Us on Facebook : https://www.facebook.com/Tupakidotcom/