రంగస్థలం పై అదంతా బన్నీ కథేనా?

రామ్ చరణ్ మూవీ రంగస్థలంను ప్రతీ ఒక్కరూ పొగిడేస్తున్నారు. సినిమా చూసొచ్చిన వాళ్లు పొగడ్డం అంటుంచితే.. ఇంకా మూవీ చూడని మోహన్ వంటి సీనియర్ హీరోలు కూడా చరణ్ ను.. సుకుమార్ ను అభినందిస్తూ ట్వీట్స్ పెడుతున్నారు. కానీ అల్లు అండ్ టీం నుంచి మాత్రం రంగస్థలం గురించి పాజిటివ్ పోస్టులు పడడం లేదు. ఇప్పటివరకూ శిరీష్ ఒక్కడే ట్వీట్ పెట్టాడు.. అది కూడా కాసింత లేటుగా.

కానీ ఇప్పటివరకూ బన్నీ మాత్రం రంగస్థలం గురించి ఎలాంటి కామెంట్ చేయలేదు. ఇందుకు బన్నీ బిజీ షెడ్యూల్ కారణం అంటూ ఓ కథానిక బయలుదేరింది. బన్నీ ఈ చిత్రాన్ని థియేట్రికల్ ఎక్స్ పీరియన్స్ అనుభవించాలని భావిస్తున్నాడట. అందుకే థియేటర్లోనే చూస్తాడట. అందుకే ఇంకా ఎలాంటి పోస్ట్ పెట్టలేదట. ఈ కథ అంతా అల్లు అర్జున్ అండ్ టీం నుంచి అందిన సమాచారంగా తెలుస్తోంది. ఇందులో వాస్తవం ఎంత అంటే మాత్రం చెప్పడం చాలా కష్టం. పైగా తను ట్వీట్ చేయాలంటే మూవీ చూసి తీరాలనే కంపల్సరీ ఏముందన్నదే అర్ధం కాని పాయింట్. ఇంకా మూవీ చూడలేదు అంటూనే ఇంతటి విజయం సాధించినందుకు కంగ్రాట్స్ చెప్పవచ్చు. కానీ బన్నీ అది కూడా చేయలేదు.

అయితే.. ఇప్పుడు నా పేరు సూర్యను ఫినిష్ చేసే పనుల్లో బన్నీ బిజీ అయిపోతాడని తెలుస్తోంది. ఇప్పుడప్పుడే రంగస్థలం గురించి పట్టించుకునే ఉద్దేశ్యం కూడా లేదని సన్నిహితులు చెప్పుకుంటున్నారు. నా పేరు సూర్య రిలీజ్ వరకూ రంగస్థలం చూసే అవకాశమే లేదట. కానీ నాపేరు సూర్య ప్రీరిలీజ్ ఈవెంట్ లో మాత్రం మాట్లాడే అవకాశం ఉందని తెలుస్తోంది.