ఉయ్యాలవాడలో బాలీవుడ్ మెగాస్టార్??

మెగాస్టార్ 151వ చిత్రంగా ఉయ్యాలవాడ నరసింహారెడ్డి చిత్రం ప్రారంభం కానుంది. మూడు నెలల క్రితమే ఈ ప్రాజెక్టు ఖరారు కాగా.. ఇప్పటికే హీరో చిరు నోటి వెంట ప్రాజెక్ట్ డీటైల్స్ కూడా వచ్చేశాయి. అఫీషియల్ లాంఛింగ్ ఒకటే పెండింగ్ కాగా.. ఇప్పుడీ మూవీని నేషనల్ లెవెల్ లో రూపొందించేందుకు డిసైడ్ అయిన సంగతి తెలిసిందే.

తెలుగుతో పాటు ఒకేసారి హిందీ.. తమిళ్ భాషల్లో కూడా ఉయ్యాలవాడను రూపొందించేలా ప్లాన్ చేసుకుంటున్నారు. అందుకే కీలక పాత్రల కోసం బాలీవుడ్ నటులను ఆశ్రయిస్తున్నారు. హీరోయిన్ గా ఓ బాలీవుడ్ టాప్ బ్యూటీని ఫిక్స్ చేయాలని ఇప్పటికే డిసైడ్ అయిపోయారు. అలాగే సల్మాన్ ఖాన్ తో ఓ క్యామియో చేయించేందుకు చరణ్ ప్రయత్నాలు చేస్తున్నాడు. మరోవైపు.. ఓ కీలక పాత్ర కోసం బాలీవుడ్ మెగాస్టార్ అమితాబ్ బచ్చన్ ను సంప్రదించారనే న్యూస్ సెన్సేషన్ అవుతోంది. మెగా150లో కాసేపు అయినా కనిపించాలని బిగ్ బీ భావించినా.. అప్పట్లో అది సాధ్యం కాలేదు.

కానీ ఇప్పుడు ఉయ్యాలవాడ కోసం అమితాబ్ ను అప్రోచ్ అయ్యి.. స్టోరీ నెరేషన్ కూడా ఇచ్చాడట దర్శకుడు. సీనియర్ బచ్చన్ రియాక్షన్ ఏంటనే విషయంపై ఇంకా క్లారిటీ రాలేదు. అయితే.. ఇది సాధ్యం కావడం మాత్రం అమితాబ్ డేట్స్ అడ్జస్ట్ మెంట్ పై ఆధారపడి ఉంటుంది. గతంలో కృష్ణ వంశీ దర్శకత్వంలో నందమూరి బాలకృష్ణ మూవీ రైతు కోసం అమితాబ్ ను అడిగితే.. డేట్స్ సమస్యతో ఆయన తప్పుకున్నారు. ఇప్పుడు చిరంజీవి కోసం అమితాబ్ తన కాల్షీట్స్ ను అడ్జస్ట్ చేస్తారో లేదో చూడాలి

Like Us on Facebook : https://www.facebook.com/Tupakidotcom/