దబాంగ్ సంగతి తేల్చేసిందా??

బ్రిటిష్ బ్యూటీ అమీ జాక్సన్ కి ఇండియాలో క్రేజీ ప్రాజెక్టులు పట్టుకోవడంలో ఆరి తేరిపోయింది. ప్రస్తుతం శంకర్ దర్శకత్వంలో రజినీకాంత్ హీరోగా రూపొందుతోనున్న రోబో సీక్వెల్ 2.0 లో నటిస్తున్న అమీ.. త్వరలో దబాంగ్ 3లో సల్మాన్ తో జోడీ కట్టనుందనే వార్తలున్నాయి.

దబాంబ్ సిరీస్ లో మూడో భాగంగా తెరకెక్కనున్న మూవీలో.. సోనాక్షి సిన్హా ప్లేస్ లో అమీ జాక్సన్ ను తీసుకున్నారనే టాక్ ఉంది. అమీ జాక్సన్ పై రూపొందిన మొబైల్ యాప్ లాంఛింగ్ సందర్భంగా.. దబాంగ్3 విశేషాలు చెప్పింది అమీ. 'మరి కొన్ని వారాల్లో బాలీవుడ్ లో నా కొత్త ప్రాజెక్టుల వివరాలను అఫీషియల్ గా అనౌన్స్ చేస్తాను. దబాంగ్ లో చేసేందుకు నేను చాలా ఇష్టపడతాను. అలాగే నేను నటించాలని కోరుకున్న స్టార్స్ లో సల్మాన్ ఎప్పుడూ టాప్ లో ఉంటాడు' అని చెప్పిన అమీకి.. ఈ టాపిక్ ని ఫైనల్ చేసే ఉద్దేశ్యం లేనట్లుగా కనిపించింది.

ఇక యాప్ గురించి చెబుతూ 'ఇవాల్టి రోజుల్లో సోషల్ మీడియా చాలా ముఖ్యం. నాలాంటి వాళ్లకు ఇంకా. ఫేస్ బుక్.. ఇన్ స్టాగ్రామ్.. ట్విట్టర్ అన్నిటిలోనూ ఉన్నాను. అందరికీ రిప్లై ఇవ్వడం కష్టం. అన్నీ ఒక ప్లేస్ కి వస్తే బావుండు అన్న ఆలోచనకు రూపమే ఈ మొబైల్ యాప్' అని చెప్పింది రోబో బ్యూటీ అమీ జాక్సన్.

Like Us on Facebook : https://www.facebook.com/Tupakidotcom/