చెర్రీ సినిమాపై అనసూయ క్లారిటీ!!

యాంకర్ నుంచి యాక్టర్ గా మారిన అనసూయకి.. ఇప్పుడు టాలీవుడ్ లో డిమాండ్ బాగా పెరిగిపోయింది. ఈమె కనిపించింది రెండే రెండు సినిమాల్లో. ఒకటి సోగ్గాడే చిన్ని నాయన అయితే, రెండోది క్షణం. వీటిలో ఒకటి బ్లాక్ బస్టర్, మరొకటి సూపర్ హిట్. దీంతో ఇప్పుడు అనసూయకు డిమాండ్ ఒక్కసారిగా ఊపందుకుంది. దీంతో పలు క్రేజీ ప్రాజెక్టుల్లో అనసూయను తీసుకుంటున్నారంటూ వార్తలు మొదలైపోయాయి.

చాలా సినిమాల్లోనే అనసూయ పేరు వినిపించినా.. వీటన్నిటిలో రామ్ చరణ్ మూవీ గురించే ఎక్కువగా చెప్పుకోవాలి. గ్లామర్ కో, పాటకో పరిమితమయ్యే పాత్రల్లో చేయనని అనసూయ తెగేసి చెప్పడంతో.. ఈమెకు ఓ కేరక్టర్ కూడా ఇచ్చారని అన్నారు. దీంతో రామ్ చరణ్-సురేందర్ రెడ్డి కాంబినేషన్ లో తెరకెక్కుతున్న కోలీవుడ్ తని ఒరువన్ రీమేక్ ధృవలో.. అనసూయ రోల్ సంథింగ్ స్పెషల్ గా ఉంటుందని తెగ న్యూస్ వచ్చేశాయి. అయితే.. ఈ రూమర్స్ పై అనసూయ నోరు విప్పింది.

'అసలు ఇలాంటి రూమర్స్ ఎలా వస్తాయో అర్ధం కాదు. నన్ను ఇప్పటివరకూ చరణ్ సినిమాకు సంబంధించిన యూనిట్ లో ఒక్కరు కూడా కలవలేదు' అని తేల్చేసింది అనసూయ. ఈ మాటతో అనసూయ అభిమానులు కొంచెం భారంగా ఫీలయ్యారు. అయితే.. ఈమె చేస్తున్న రోల్స్ మాత్రం క్లిక్ అవుతుండడంతో.. అంతవరకూ ఫ్యాన్స్ మాత్రం హ్యాపీస్.