మళ్లీ బూస్ట్‌ ఇచ్చాడు..ఈసారైన నిలుపుకుంటుందా?

అందం, ప్రతిభతో పాటు లక్‌ ఉంటేనే సినీ ఇండస్ట్రీలో కొనసాగుతారు. అందం, ప్రతిభ ఉన్న హీరోయిన్స్‌ లక్‌ కలిసి రాకపోవడంతో, చిన్న చిన్న తప్పులు చేయడం వల్ల కొన్నాళ్లకే కనుమరుగయ్యారు. అందమైన రూపం ఉన్న మెహ్రీన్‌ ఇప్పటి వరకు కెరీర్‌ లో పడుతూ లేస్తూ వస్తోంది. ఒక్క సక్సెస్‌ దక్కితే రెండు మూడు ఫ్లాప్స్‌ పడుతున్నాయి. తాజాగా ఈ అమ్మడు 'ఎఫ్‌ 2' చిత్రంతో మంచి సక్సెస్‌ ను దక్కించుకుంది. ఈ చిత్రంలో హనీ పాత్రలో నటించి ఆకట్టుకుంది. ఈ చిత్రంతో మరోసారి మెహ్రీన్‌ జోరు పెరిగే అవకాశముందంటున్నారు.

మెహ్రీన్‌ కు 'రాజా ది గ్రేట్‌' చిత్రంతో దర్శకుడు అనీల్‌ రావిపూడి సక్సెస్‌ ను ఇచ్చాడు. అంతకు ముందు సక్సెస్‌ లేక కెరీర్‌ ఎలా సాగుతుందో నమ్మకం లేక ఉన్న మెహ్రీన్‌ కు 'రాజా ది గ్రేట్‌' చిత్రంతో బూస్ట్‌ ఇచ్చాడు. ఆ సక్సెస్‌ తో మెహ్రీన్‌ వరుసగా ఆఫర్లు దక్కించుకుంది. కాని ఏ ఒక్కటి కూడా ఆమెకు మరింత క్రేజ్‌ ను తెచ్చి పెట్టలేక పోయాయి. మళ్లీ మునుపటి లాగే ఆమె కెరీర్‌ ప్రమాదంలో పడ్డట్లయ్యింది.

అలాంటి సమయంలో మెహ్రీన్‌ కు 'ఎఫ్‌ 2' చిత్రంతో దర్శకుడు అనీల్‌ రావిపూడి సక్సెస్‌ ను తెచ్చి పెట్టాడు. సినీ ఇండస్ట్రీలో సక్సెస్‌ దక్కిన సమయంలో ఆ సక్సెస్‌ ను సరిగా సద్వినియోగం చేసుకుని సినిమాలను ఎంపిక చేసుకుంటేనే ఆ సక్సెస్‌ కొనుసాగుతుంది. మరి అనీల్‌ రావిపూడి ఈసారి ఇచ్చిన బూస్టింగ్‌ తో అయినా మెహ్రీన్‌ జాగ్రత్తగా కెరీర్ ను ప్లాన్ చేసుకుంటుందో చూడాలి.


Full View