ఆ రికార్డులను భాగమతి బద్దలు కొడుతుందా?

ప్రతి సంక్రాంతి నాడు తెలుగు ఇండస్ట్రీలో బాక్స్ ఆఫీస్ లెక్కల్లో భారీ మార్పులు జరుగుతుండేవి. కానీ ఈ సారి పెద్ద సినిమాలు అంతగా ప్రభావం చూపించలేకపోయాయి. మినిమమ్ పాజిటివ్ టాక్ తెచ్చుకునే ఒక్క మంచి సినిమా రిలీజ్ అయినా భారీ వసూళ్లు అందుకునేది. కానీ ఏ సినిమా పూర్తిగా మెప్పించలేదు. ఇక జనవరి 26న అసలైన రికార్డులు మోత స్టార్ట్ అవుతుందా అని అందరూ చర్చించుకుంటున్నారు. ఎందుకంటే లేడి సూపర్ స్టార్ అనుష్క - భాగమతి ఆ రోజే రిలీజ్ కానుంది.

టాలీవుడ్ లోనే కాకుండా కోలీవుడ్ లో కూడా ఇంతవరకు ఏ హీరోయిన్ అందుకోలేని సోలో హిట్స్ ని స్వీటీ అందుకుంది. మొదట అరుంధతి సినిమాతో ఆమె బాక్స్ ఆఫీస్ స్టామినా మొదలైంది. మొత్తంగా అరుంధతి డబ్బింగ్ వెర్షన్స్ తో కలుపుకొని రూ.75 కోట్లను అందుకుంది. అప్పట్లో ఆ సినిమా ఆల్ టైమ్ ఇండస్ట్రీ రికార్డులను బ్రేక్ చేసింది. ఇక గుణ శేఖర్ ఎంతో ప్రతిష్టాత్మకంగా తెరకెక్కించిన రుద్రమదేవి రూ.80 కోట్లను రాబట్టి మరొక బాక్స్ ఆఫీస్ హిట్ గా నిలిచింది. ఇక ఇప్పుడు అదే తరహాలో రిలీజ్ కాబోతోన్న భాగమతి ఇంకెంత స్థాయిలో వసూలు చేస్తుందో అని అందరు ఆసక్తిగా ఎదురుచూస్తున్నారు.

భాగమతి ఆ రెండు సినిమాలకంటే ఎక్కువ స్థాయిలో రిలీజ్ కాబోతోంది. అంతే కాకుండా నాలుగు భాషల్లో విడుదల అవుతుండడంతో మొదటి వరం ఊహించిన దానికంటే ఎక్కువ స్థాయిలో కలెక్షన్స్ అందుతాయని టాక్. ఎక్కువగా కోలీవుడ్ లో ఓపెనింగ్స్ అందుతాయని అంటున్నారు. తెలుగులో కూడా అదే డౌట్ కలుగుతోంది. మరి భాగమతి పాత రికార్డులను బద్దలు కొడుతుందో లేదో చూడాలి.