అనుష్క హ్యాట్రిక్ మూవీ ఓ మ‌ల‌యాళ‌ రీమేక్

ఇటీవ‌లి కాలంలో వ‌రుస‌గా మ‌ల‌యాళ బ్లాక్ బ‌స్ట‌ర్ల‌ను రీమేక్ చేసేందుకు తెలుగు స్టార్లు ఆస‌క్తిగా ఉన్న సంగ‌తి తెలిసిందే. విక్ట‌రీ వెంక‌టేష్ - మెగాస్టార్ చిరంజీవి- ప‌వ‌ర్ స్టార్ ప‌వ‌న్ క‌ల్యాణ్ స‌హా ప‌లువురు స్టార్లు మ‌ల‌యాళ సినిమాల రీమేక్ ల‌లో న‌టిస్తున్నారు. ఇప్పుడు అదే బాట‌లో స్టార్ హీరోయిన్ అనుష్క కూడా మ‌ల‌యాళ రీమేక్ లో న‌టించ‌డం ఆస‌క్తిగా మారింది.

నేడు యూవీ క్రియేష‌న్స్ అధికారికంగా అనుష్కతో సినిమాని ప్ర‌క‌టించిన సంగ‌తి తెలిసిందే. యువీ లో ముచ్చ‌టగా మూడో సినిమా చేస్తున్న అనుష్క..ఎంతో ఎగ్జ‌యిటింగ్ గా వేచి చూస్తోంది. మిర్చి- భాగ‌మ‌తి త‌రువాత మ‌రో ఇంట్రెస్టింగ్ కాన్సెప్ట్ ఉన్న క‌థాంశం ఉన్న మూవీ కోసం అనుష్క జాయినైంది.

అయితే ఈ సినిమా ఓ మ‌ళ‌యాల మూవీకి రీమేక్ అని టాక్ న‌డుస్తోంది. త‌న కంటే చిన్న‌వాడైన కుర్రాడిని ప్రేమించి అత‌డితో స‌హ‌జీవ‌నం చేసే మోడ్ర‌న్ యువ‌తిగా అనుష్క న‌టించ‌నుంది. స‌హ‌జీవ‌నంలో క‌థానాయిక గ‌ర్భ‌వ‌తి అయ్యాక ఏం జ‌రిగింది? అన్న‌ది తెరపై చూపిస్తార‌ట‌. ఈ సినిమాలో న‌వీన్ పోలిశెట్టి ఓ కీల‌క పాత్ర చేస్తున్న‌ట్లుగా స‌మాచారం. నవీన్ ఇప్ప‌టికే కామెడీ హీరోగా ఎస్టాబ్లిష్ అయ్యాడు. ఏజెంట్ ఆచార్య ఆత్రేయ త‌ర్వాత జాతిర‌త్నాలు చిత్రంతో బ్లాక్ బ‌స్ట‌ర్లు అందుకుని స్పీడ్ మీద ఉన్నాడు. నిజానికి అనుష్క కంటే అత‌డు వ‌య‌సులో చిన్న‌వాడు. అందుకే ద‌ర్శ‌కుడు మ‌హేష్ బాబు ఎంపిక చేసుకున్నార‌ని క‌థ‌నాలొస్తున్నా