ఆ దర్శకుడు అనుష్కను అసభ్యంగా తాకాడట

కరణ్ జోహార్ గత కొన్నేళ్లలో దర్శకుడిగా కంటే ‘కాఫీ విత్ కరణ్’ ప్రోగ్రాంతో ఎక్కువ పాపులారిటీ సంపాదించాడు. బాలీవుడ్ సెలబ్రెటీల్ని పట్టుకొచ్చి రసవత్తరంగా ఈ ప్రోగ్రాంను నడపడంలో.. వివాదాస్పద ప్రశ్నలేసి.. వారితో సెన్సేషనల్ ఆన్సర్స్ చెప్పించి.. ఈ ప్రోగ్రాంకు మాంచి టీఆర్పీ రేటింగులు తెప్పించడంలో కరణ్ ఆరితేరిపోయాడు. ఈ ప్రోగ్రాం అంతా డ్రామా అని.. ముందుగా రెడీ చేసి పెట్టుకున్న స్క్రిప్టు ప్రకారమే ఇందులో వివాదాలు పుడుతుంటాయని విమర్శలు ఉన్నప్పటికీ.. ఈ ప్రోగ్రాం అయితే సూపర్ హిట్టన్నది వాస్తవం. తాజాగా అనుష్క శర్మ-కత్రినా కైఫ్ కాంబినేషన్లో కరణ్ చేసిన ఎపిసోడ్ కూడా జనాల దృష్టిని అలాగే ఆకర్షించింది.

ఈ ఎపిసోడ్లో అనుష్క శర్మ.. కరణ్ జోహార్ మీద సంచలన ఆరోపణలు చేసింది. కరణ్ దర్శకత్వంలో ‘యే దిల్ హై ముష్కిల్’ సినిమా షూటింగ్ సందర్భంగా అతను తనను అభ్యంతరకర రీతిలో తాకాడని ఆరోపించింది. దీనికి కరణ్ స్పందిస్తూ.. తనకు అనుష్క మీద ప్రేమ పుట్టిందని.. ఆమెకు పడిపోయానని బదులిచ్చాడు. అనంతరం అనుష్క ఇంకొంచెం సీరియస్ అయి.. కరణ్ మీద లైంగిక వేధింపుల కేసు పెట్టాలని కూడా అంది. ఆ సమయంలో జోక్యం చేసుకున్న కత్రినా.. నీలో చురుకుదనం తీసుకురావడానికే కరణ్ అలా చేసి ఉంటాడంటూ కవర్ చేసే ప్రయత్నం చేసింది. అనుష్క అంతటితో ఆగకుండా ఓ పార్టీలో జాక్వెలిన్ ఫెర్నాండెజ్ ను కూడా అసభ్యంగా తాకాడంటూ కరణ్ మీద ఆరోపణలు చేసింది. దీంతో ప్రోగ్రాం మరింత రసపట్టుకు చేరుకుంది. మరి అనుష్క ఆరోపణలు సరదాకు చేసినవా.. లేక స్క్రిప్టు ప్రకారం చేసినవా అన్నదే తేలాల్సి ఉంది.

Like Us on Facebook : https://www.facebook.com/Tupakidotcom/