దేవసేనతో జాతిరత్నం.. ఇదెలాంటి రిలేషన్..?

ఏ విధంగా చూసుకున్నా న‌వీన్ పొలిశెట్టి కంటే.. అనుష్క ఎల్డ‌ర్. ‌సినిమాల్లో స్టార్ డ‌మ్ ప‌రంగా చూసినా.. వ‌య‌సు ప‌రంగా చూసినా.. నవీన్ చిన్నవాడే. అలాంటిది.. నవీన్ సరసన అనుష్క అంటూ అనౌన్స్ తోనే క్యూరియాసిటీ పెంచేశారు మేకర్స్. అది కూడా.. యూవీ క్రియేషన్స్ వంటి పెద్ద బ్యానర్ నిర్మిస్తుండడంతో డిస్కషన్ ఓ రేంజ్ లో జరుగుతోంది.

‘సైరా’ చిత్రం త‌ర్వాత మ‌ళ్లీ థియేట‌ర్లో క‌నిపించ‌లేదు అనుష్క‌. ‘నిశ్శ‌బ్దం’లో న‌టించినా.. అది లాక్ డౌన్లో రావ‌డం.. ఓటీటీలో వెళ్లిపోవ‌డంతో పెద్ద‌గా ఇంపాక్ట్ లేదు. ఆ లెక్క‌న‌.. చాలా గ్యాప్ తర్వాత వ‌స్తోంది స్వీటీ. ఇటు న‌వీన్ పొలిశెట్టి ఏజెంట్ ఆత్రేయ‌తో తానేంటో నిరూపించుకున్నాడు. ఇప్పుడు ‘జాతిర‌త్నాలు‌’తో బాక్సాఫీస్ గురు అయ్యాడు. ఇలాంటి వీళ్లిద్దరి మధ్య వస్తున్న సినిమా ఎలా ఉండబోతోందన్నది ప్రశ్న.

కాలేజ్ టైప్ లవ్ కు స్కోప్ లేదు.. అనుష్క హీరో వెంటపడే అవకాశం లేదు. కాబట్టి.. ఓ డిఫరెంట్ లవ్ జర్నీ స్టార్ట్ చేయబోతున్నారట వీరిద్దరూ! మిడిల్ ఏజ్ ఉన్న యువతికి, ఓ యువడికి మధ్య సాగే ప్రేమ కథను ఆవిష్కరిచబోతున్నారట మేకర్స్. అంటే.. టీజింగులు.. తర్వాత హగ్గింగుల టైపుకాకుండా.. మెచ్యూర్డ్ లవ్ స్టోరీని ప్లాన్ చేస్తున్నట్టు సమాచారం.

జాతిరత్నాలు సినిమా తర్వాత నవీన్ కు భారీ ఆఫర్స్ వస్తున్నాయి. అదే సమయంలో మనోడి స్టార్ డమ్ కూడా పెరిగింది. అటు వైపున ఉన్నది అనుష్క. ఇలాంటి వీరిద్దరిని కలిపి ఎలాంటి బొమ్మ చూపించబోతున్నారనే ఆసక్తి మాత్రం గట్టగానే ఉంది.