గాళ్స్ గ్యాంగ్ తో గోవా బీచ్ లో ర‌చ్చ చేస్తున్న కుర్ర‌హీరో

ప్ర‌తియేటా నూత‌న సంవ‌త్స‌రానికి వెల్ కం చెబుతూ బికినీ బీచ్ సెల‌బ్రేష‌న్ లో చిలౌట్ చేయ‌డం మ‌లైకా అండ్ గాళ్స్ గ్యాంగ్ కి అల‌వాటు. ఈ గ్యాంగ్ తో చేరి ర‌చ్చ చేయ‌డం కుర్ర‌హీరో అర్జున్ క‌పూర్ కి అంతే అల‌వాటు వ్యాప‌కం. ఎన్నో గుణ‌పాఠాల్ని నేర్పిన‌ 2020కి టాటా చెబుతూ.. 2021కి వెల్ కం చెప్పేందుకు ఈసారి ఈ గుంపు ఏకంగా గోవా బీచ్ లో దిగిపోయింది.

అర్జున్ కపూర్ - మలైకా అరోరా గోవా సెల‌బ్రేష‌న్ ఏ రేంజులో ఉందో అర్థం చేసుకునేందుకు ఇవిగో ఈ ఫోటోల్ని ప‌రిశీలిస్తే చాలు. మ‌లైకా.. అమృతా అరోరాల‌తో కలిసి గోవా ట్రిప్ లో ఉన్న అర్జున్ కపూర్ ఇదిగో ఇలా ఫుల్ గా చిలౌట్ చేస్తున్నాడు. ఈ సెలవు దినాల్ని సంపూర్ణంగా ఆస్వాధించ‌డ‌మే ధ్యేయంగా ర‌చ్చ చేస్తున్నాడు.

అర్జున్ కపూర్ - మలైకా అరోరా గోవా యాత్ర నుంచి ఫోటోలు అంత‌ర్జాలాన్ని షేక్ చేస్తున్నాయి. ఇన్ ‌స్టాగ్రామ్ లో అర్జున్ గ్రూప్ సెల్ఫీలతో విరుచుకుప‌డింది. బీచ్ ‌లో వెరైటీ భంగిమ‌ల‌తో గాళ్స్ చెల‌రేగారు.

ఎంతో ఆక‌ర్ష‌ణీయ‌మైన డిజైన‌ర్ ఈత‌ దుస్తులు ధరించి చేతిలో పానీయం పట్టుకొని గాల్స్ బోయ్స్ నానా హంగామా చేస్తున్నారు. ఈ పోస్ట్ కి ట్వింకిల్ ఖన్నా.. భవానా పాండే త‌దితరుల వ్యాఖ్యలు ఆకట్టుకుంటున్నాయి.

మలైకా - అర్జున్ ఇటీవల దీపావళి సంద‌ర్భంగా హిమాలయాలకు విహారయాత్రకు వెళ్లారు. ఈ జంట‌ ధర్మశాలలో సైఫ్ అలీ ఖాన్ - కరీనా కపూర్ జోడీతో చేరి ర‌చ్చ సంద‌డి చేశారు. అర్జున్ - సైఫ్ త‌దుప‌రి చిత్రం `భూత్ పోలీస్` షూటింగ్ లో ఉన్నారు.