ఇంటర్ పాసైన హీరోయిన్.. ఫుల్ హ్యాపీ!

ఉద్యోగానికైతే ఖ‌చ్చితంగా చ‌దువు కావాల్సిందే. ఏళ్ల త‌ర‌బ‌డి పుస్త‌కాలు పురుగులుగా మారిపోవాల్సిందే. కానీ.. ఇత‌ర రంగాల్లో టాలెంట్ చూపించ‌డానికి చ‌దువుతో పెద్ద‌గా ప‌నిలేదు. అలాంటి వాటిల్లో ఒక‌టి సినిమా రంగం. న‌ట‌న‌లో టాప్ ర్యాంక‌ర్ అయితే.. స్ట‌డీ స‌ర్టిఫికెట్ల‌తో అవ‌స‌ర‌మే ఉండ‌దు. అయితే.. మినిమమ్ ఎడ్యుకేష‌న్ కూడా కంప్లీట్ చేయ‌కుండానే అవ‌కాశాలు వెతుక్కుంటూ వ‌స్తాయి కొంద‌రికి! దాంతో.. వ‌చ్చిన ఛాన్స్ ను వ‌దులుకోలేక ఇండ‌స్ట్రీలో పాదం మోపుతారు.

ఒక్క‌సారి అడుగు పెట్టారంటే.. తాడో పేడో తేల్చుకున్న త‌ర్వాతే వెనుదిర‌గాల్సి ఉంటుంది. క్లిక్ అయ్యారంటే.. ఫుల్ బిజీనే. చ‌దువు కోవ‌డానికి కాదుగ‌దా.. క‌నీసం స‌రిగా నిద్ర‌పోవ‌డానికి కూడా టైమ్ చాల‌దు. అందుకే.. చాలా మంది చ‌దువులు అట‌కెక్కుతాయి. అయితే.. కొంద‌రు మాత్రం చ‌దువుపై ఉన్న ఇష్టంతో ఎలాగోలా ఓ డిగ్రీ అయినా సంపాదించుకుందాం అని ప్ర‌య‌త్నిస్తుంటారు. అలాంటి వారిలో ఒక‌రే బాలీవుడ్ కుర్ర బ్యూటీ అష్నూర్‌కౌర్‌.

ఝాన్సీకి రాణి, యే రిస్తా క్యా క‌హ్లాతా హై, పాటియాల బేబ్స్ వంటి సీరియ‌ల్స్ తో స‌త్తా చాటిన ఈ అమ్మ‌డు.. సంజూ చిత్రంలో న‌టించి ప్ర‌శంస‌లు ద‌క్కించుకుంది. అయితే.. తాజాగా వెల్ల‌డించిన సీబీఎస్ఈ 12వ త‌ర‌గ‌తి ఫ‌లితాల్లో ఈ బ్యూటీ సూప‌ర్ హిట్ కొట్టింది. ఏకంగా 94 శాతం మార్కుల‌తో ప్ల‌స్ టూ పాస‌వ‌డం విశేషం. టెన్త్ లో కూడా 93 ప‌ర్సెంట్ మార్కులు సంపాదించింద‌ట ఈ అమ్మ‌డు.

ఈ రిజ‌ల్ట్ తో ఎంతో హ్యాపీగా ఉంది అష్నూర్ కౌర్‌. నిజంగా.. చ‌దువంటే ఈ బ్యూటీకి ఎంత‌ ఇష్ట‌మో ఈ మార్కుల‌ను బ‌ట్టి మ‌నం అంచ‌నా వేయొచ్చు. ఫ్యూచ‌ర్ లో సినిమాల్లో అవ‌కాశాలు వ‌చ్చినా, బిజీగా ఉన్నా.. తాను మాత్రం చ‌దువు ఆపేది లేద‌ని చెబుతోంది. మ‌రి, ఇలాంటి స్ట‌డీ ప‌ర్స‌న్ కు మ‌నం కూడా ఆల్ ది బెస్ట్ చెప్పేద్దాం.