థ్రిల్లర్ రూట్ లో అవసరాల

యాక్టర్ గా ప్రయాణం మొదలుపెట్టిన శ్రీనివాస్ అవసరాల.. తర్వాత డైరెక్టర్ గా మారి రెండు హిట్స్ కొట్టేశాడు. మధ్యమధ్యలో కమెడియన్ గా.. కేరక్టర్ ఆర్టిస్ట్ గా మెప్పిస్తున్న అవసరాల.. ఇప్పుడు హీరోగా కూడా సత్తా చాటబోతున్నాడు. అయితే.. అవసరాల మెయిన్ హీరోగా మొదలైన మొదటి మూవీ ఇంకా పూర్తి కాకుండానే.. రెండో సినిమాకి కూడా సైన్ చేసేశాడని తెలుస్తోంది.

బాలీవుడ్ మూవీ హంటర్ ను తెలుగు రీమేక్ లో నటిస్తున్నాడు శ్రీనివాస్ అవసరాల. ఈ చిత్రం అడల్ట్ కామెడీ జోనర్ లో ఉంటుంది. టాలీవుడ్ ఆడియన్స్ కోసం కొంచెం టోన్ డౌన్ చేశారనే టాక్ ఉన్నా.. ఒరిజినల్ థీమ్ ను మాత్రం మిస్ చేయడం లేదట. ఈ అడల్ట్ కామెడీ చిత్రం కంప్లీట్ కాగానే.. థ్రిల్లర్ జోనర్ లోకి దూకేయనున్నాడు ఈ హీరో కం డైరెక్టర్. గతంలో గ్రీన్ సిగ్నల్ ను తీసిన విజయ మద్దాల.. ఈ థ్రిల్లర్ మూవీని డైరెక్ట్ చేయనున్నాడు. ఈ మూవీ ఆద్యంతం థ్రిల్లింగ్ ఎలిమెంట్స్ లో ఉండడంతో స్క్రిప్ట్ కి బాగా కనెక్ట్ అయ్యాడట అవసరాల.

ఈ థ్రిల్లర్ మూవీ షూటింగ్ మొత్తం అమెరికాలోనే పిక్చరైజ్ చేసేలా ప్లాన్ చేశారని తెలుస్తోంది. వచ్చే ఏడాదే ఈ మూవీ ప్రారంభం.. రిలీజ్ ఉంటాయని టాక్ వినిపిస్తోంది. మరి నాని హీరోగా అవసరాల డైరెక్టర్ గా అనౌన్స్ చేసిన ప్రాజెక్ట్ లేట్ అవుతుందేమో అనుకుంటున్నారు టాలీవుడ్ జనాలు.

Like Us on Facebook : https://www.facebook.com/Tupakidotcom/