బిగ్ బాస్ రియాలిటీ షోను మొదట హిందీలో ప్రారంభించి విశేష ప్రేక్షకాదరణను పొందింది కలర్స్ చానెల్. ఆ రియాలిటీ షో ఇప్పుడు దక్షిణాది రాష్ట్రాలకు కూడా విస్తరించి ఫుల్ క్రేజ్ సంపాదించుకుంది. బిగ్ బాస్ తర్వాత కలర్స్ చానెల్ ‘ఖత్రోండి ఖిలాడీ’ అనే కార్యక్రమాన్ని కూడా ప్రారంభించింది. సాహస యాత్రలతో కూడిన ఈ కార్యక్రమం కూడా హిందీలో పెద్ద హిట్.. ఇప్పుడు తొమ్మిదో సీజన్ కు రంగం సిద్ధమైంది. నటీనటుల ఎంపిక జరిగిపోవడంతో షూటింగ్ నిర్వహిస్తున్నారు. టీమిండియా మాజీ పేస్ బౌలర్ శ్రీశాంత్ కూడా ఇందులో నటిస్తున్నారు. కొత్త రియాలిటీ షో కోసం జిమ్ లో కండలు పెంచుతున్నట్టు తాజా వీడియోలో తెలిపాడు.
ఇక చిన్నారి పెళ్లి కూతురు సీరియల్ ఫేం అవికాగోర్ - నటుడు జాస్మిన్ భాసిన్ - జైన్ ఇమామ్ వంటి నటీనటులు కూడా ఇందులో పాల్గొంటున్నారు. బిగ్ బాస్ ఫైనలిస్ట్ వికాస్ గుప్తాకు ఇందులో పాల్గొనే చాన్స్ వచ్చినట్టు తెలిసింది.
దక్షిణ అమెరికాలోని అర్జెంటీనా దేశంలో వివిధ ప్రాంతాల్లో ఈ షో షూటింగ్ నిర్వహిస్తున్నారు. ఈనెల 15వరకూ సాగుతుందట.. ఆగస్టులో కలర్స్ హిందీ చానెల్ లో ఈ ‘ఖత్రోంకి ఖిలాడీ-9’ సీజన్ ప్రసారం కానుంది. మరి ఇందులో శ్రీశాంత్, అవికాగోర్ ఏం చేశారో చూడాలంటే అప్పటివరకూ ఆగాల్సిందే..