రెండేళ్ళ గ్యాప్ తర్వాత రెండు ప్రాజెక్టులు లైన్లో?

టీవీలో 'బాలిక వధు' సీరియల్ తో భారీ పాపులారిటీ సాధించిన అవిక గోర్' ఉయ్యాల జంపాల' సినిమాతో టాలీవుడ్ ఎంట్రీ ఇచ్చింది. హీరో రాజ్ తరుణ్ కు కూడా అదే డెబ్యూ ఫిలిం.  మొదటి సినిమాతోనే సూపర్ హిట్ సాధించిన ఈ జంట మరోసారి కలిసి నటిస్తోందని సమాచారం.

రీసెంట్ గా రాజ్ తరుణ్ హీరోగా దిల్ రాజు నిర్మాణంలో 'ఇద్దరి లోకం ఒకటే' అనే సినిమాను ప్రకటించిన సంగతి తెలిసిందే. ఈ సినిమాలో రాజ్ తరుణ్ సరసన హీరోయిన్ గా అవికా గోర్ ను ఎంపిక చేశారని టాక్ వినిపిస్తోంది.  తెలుగులో అవిక నటించిన లాస్ట్ ఫిలిం 'ఎక్కడికి పోతావు చిన్నవాడా'. ఆ సినిమా తర్వాత దాదాపు రెండేళ్ళు నటనకు దూరంగా ఉన్న అవిక ఇప్పుడు మళ్ళీ వెండితెరపై కనిపించేందుకు రెడీ అయింది.  గతంలో చబ్బీగా కనిపించిన ఈ భామ ఇప్పుడు ఫిట్నెస్ ఫ్రీక్ గా మారి రెగ్యులర్ గా ఎక్సర్ సైజ్ చేస్తూ స్లిమ్ గా.. ఫిట్ గా మారింది.

రాజ్ తరుణ్ సినిమా ఒక్కటే కాకుండా డైరెక్టర్ మారుతి- మెగా హీరో సాయి తేజ్ కాంబినేషన్ లో తెరకెక్కనున్న సినిమాలో కూడా హీరోయిన్ గా అవికా పేరును పరిశీలిస్తున్నారని టాక్.  ఈ రెండు ప్రాజెక్టులు ఫైనలైజ్ అయితే అవికా మళ్ళీ టాలీవుడ్ లో జోరుగా దూసుకుపోవడం ఖాయం