కోలీవుడ్ లో బాహుబలి2కి బ్రేక్

ప్రస్తుతం ప్రపంచమంతా బాహుబలి2 మేనియాలో మునిగిపోయింది. అందరికంటే ముందు తెలుగు రాష్ట్రాల ప్రేక్షకులకు ఈ మూవీని చూసే అవకాశం దక్కింది. ఆ తర్వాత యూఎస్ సహా అన్ని దేశాల్లోను దాదాపు సినిమా రిలీజ్ అయిపోయింది. అయితే.. కోలీవుడ్ ప్రేక్షకులకు మాత్రం ఇంకా బాహుబలి2 చూసే అవకాశం రాలేదు.

నిజానికి టాలీవుడ్ తో పాటు కోలీవుడ్ లో కూడా ఈ మూవీని ప్రీమియర్స్ వేసేందుకు ప్లాన్ చేశారు. వాటి ప్రదర్శన సాధ్యం కాలేదు. ఇప్పుడు మాణింగ్ షోస్ కూడా పడకపోవడం ఆశ్చర్యకరమైన విషయమే. బాహుబలి2 లాంటి భారీ ప్రాజెక్ట్ కు మాణింగ్ షోస్ ఆగిపోవడానికి పెద్ద కారణమే ఉండాలి. తమిళనాడులో ఈ చిత్రాన్ని కె ప్రొడక్షన్స్ సంస్థ డిస్ట్రిబ్యూట్ చేస్తోంది. ఈ సంస్థకు బాహుబలి ప్రొడ్యూసర్స్ కు మధ్య ఇంకా డీలింగ్స్ పూర్తి కాలేదు. ఈ విషయంపై ఇద్దరూ ఒక ఒప్పందానికి రాకపోవడంతోనే తమిళనాట బాహుబలి2 రిలీజ్ ఆగిపోయింది.

రిలీజ్ కి ముందు కర్నాటకలో సమస్య రాగానే పరిష్కరించుకున్న బాహుబలి యూనిట్.. తమిళనాట రాబోయే సమస్యను ముందుగా ఊహించలేకపోయారు. అందుకే ఆఘమేఘాల మీద ఈ ప్రాబ్లెంను సాల్వ్ చేసుకుని..మ్యాట్నీల నుంచి అయినా ప్రదర్శనలు పడేలా చర్యలు తీసుకుంటున్నారు.

Like Us on Facebook : https://www.facebook.com/Tupakidotcom/