బాలీవుడ్‌లో బాహుబలి సందడి నెమ్మదిగా తగ్గుముఖం పడుతోంది. వీకెండ్ అయ్యాక ‘బాహుబలి’ జోరు తగ్గింది. నెమ్మదిగా చర్చ బాహుబలి నుంచి భజరంగి భాయిజాన్ మీదికి మళ్లుతోంది. ఎంతైనా వస్తోంది సల్మాన్ కదా. కండల వీరుడికి దేశవ్యాప్తంగా విపరీతమైన ఫ్యాన్ ఫాలోయింగ్ ఉంది. డైరెక్టర్ ఎవరు, హీరోయిన్ ఎవరు, సినిమా ఎలా ఉండబోతోంది అనేది పట్టించుకోకుండా సల్మాన్ సినిమా వచ్చిందంటే చాలు బాలీవుడ్ బాక్సాఫీస్ షేకైపోవడం మామూలే. అందులోనూ ఈ మధ్య కోర్టు కేసులు, జైలు శిక్ష.. ఈ వ్యవహారాలతో సల్మాన్ సినిమా మీద ఆసక్తి మరింత పెరిగింది.
తెలుగు సినీ జనాలు చాలామందికి తెలియని విషయం ఏంటంటే.. భజరంగి భాయిజాన్ కథకుడు విజయేంద్ర ప్రసాదే. ఈ సినిమాను నిర్మిస్తోంది రాక్‌లైన్ వెంకటేష్ కావడం విశేషం. పాకిస్థాన్‌ నుంచి తప్పిపోయి వచ్చిన ఓ చిన్నారిని తన సొంత ప్రదేశానికి తీసుకెళ్లడానికి కథానాయకుడు చేసే ప్రయత్నం మీద ఈ కథ సాగుతుంది. ఐతే ఈ సినిమా పోస్టర్లు కానీ.. ట్రైలర్ కానీ చూస్తుంటే 80ల్లో సూపర్ హిట్టయిన మెగాస్టార్ సినిమా ‘పసివాడి ప్రాణం’ గుర్తుకొస్తోంది. ఆ సినిమా కథ కూడా ఆపదలో ఉన్న ఓ పిల్లాడిని హీరో కాపాడటం నేపథ్యంలోనే సాగుతుంది. భజరంగి భాయిజాన్ కథ రాసింది కూడా మనవాడే కాబట్టి.. ఆ సినిమా నుంచి స్ఫూర్తి పొంది ఉంటే ఆశ్చర్యమేమీ లేదు. కాకపోతే ఈ కాలానికి తగ్గట్లు మోడర్నైజ్ చేసి ఉంటారనడంలో సందేహం లేదు. ఇంతకుముందు సల్మాన్‌తో ఏక్‌థా టైగర్ తీసిన కబీర్‌ఖాన్ ఈ చిత్రానికి దర్శకత్వం వహిస్తున్నాడు. శుక్రవారం విడుదల.
తెలుగు సినీ జనాలు చాలామందికి తెలియని విషయం ఏంటంటే.. భజరంగి భాయిజాన్ కథకుడు విజయేంద్ర ప్రసాదే. ఈ సినిమాను నిర్మిస్తోంది రాక్‌లైన్ వెంకటేష్ కావడం విశేషం. పాకిస్థాన్‌ నుంచి తప్పిపోయి వచ్చిన ఓ చిన్నారిని తన సొంత ప్రదేశానికి తీసుకెళ్లడానికి కథానాయకుడు చేసే ప్రయత్నం మీద ఈ కథ సాగుతుంది. ఐతే ఈ సినిమా పోస్టర్లు కానీ.. ట్రైలర్ కానీ చూస్తుంటే 80ల్లో సూపర్ హిట్టయిన మెగాస్టార్ సినిమా ‘పసివాడి ప్రాణం’ గుర్తుకొస్తోంది. ఆ సినిమా కథ కూడా ఆపదలో ఉన్న ఓ పిల్లాడిని హీరో కాపాడటం నేపథ్యంలోనే సాగుతుంది. భజరంగి భాయిజాన్ కథ రాసింది కూడా మనవాడే కాబట్టి.. ఆ సినిమా నుంచి స్ఫూర్తి పొంది ఉంటే ఆశ్చర్యమేమీ లేదు. కాకపోతే ఈ కాలానికి తగ్గట్లు మోడర్నైజ్ చేసి ఉంటారనడంలో సందేహం లేదు. ఇంతకుముందు సల్మాన్‌తో ఏక్‌థా టైగర్ తీసిన కబీర్‌ఖాన్ ఈ చిత్రానికి దర్శకత్వం వహిస్తున్నాడు. శుక్రవారం విడుదల.