తన కొత్త సినమా ‘జై సింహా’ సకుటుంబ సపరివారంగా చూడదగ్గది అంటున్నాడు నందమూరి బాలకృష్ణ. ఇందులో తన అభిమానులకు నచ్చే అంశాలతో పాటు అన్ని రకాల ప్రేక్షకుల్నీ మెప్పించే విషయాలుంటాయని బాలయ్య చెప్పాడు. ఈ సినిమాలో ఉన్నన్ని ట్విస్టులు తన కెరీర్లో ఏ సినిమాలోనూ లేవని బాలయ్య చెప్పడం విశేషం. ‘‘ఎన్నో రకాల సినిమాలు చేశాను. ఒక మంగమ్మ గారి మనవడు అయితేనేమి.. ఆదిత్య 369.. సమరసింహారెడ్డి అయితేనేమి.. శ్రీరామ రాజ్యం.. గౌతమీతపుత్ర శాతకర్ణి.. పైసా వసూల్ అయితేనేమి.. కానీ ఈ సినిమాలు వేటిలోనూ లేని ట్విస్టులు ‘జై సింహా’లో మీరే చూస్తారు’’ అని ‘జై సింహా’ ప్రి రిలీజ్ ఈవెంట్లో బాలయ్య అన్నాడు.
తానెప్పుడు కుర్రాడినే అని.. తనకు వయసుతో పని లేదని అన్న బాలయ్య.. ‘జై సింహా’ సినిమా కోసం చాలా కష్టపడి పని చేసినట్లు తెలిపాడు. తన ప్రతి సినిమాలోనూ అండర్ కరెంట్ గా ఏదో ఒక సందేశం ఉంటుందని.. అలాగే ‘జై సింహా’లో ప్రేమను అందరికీ పంచిపెట్టాలనే విషయాన్ని చెబుతున్నామని అన్నాడు. ‘జై సింహా’ అనేది మామూలు టైటిల్ కాదని.. తన తండ్రి ఎన్టీఆర్ నిర్మాతగా తొలి విజయాన్నందుకున్న సినిమా టైటిల్ ఇదే అని.. అలాగే తనకు కూడా ఈ సినిమా మంచి ఫలితాన్నిస్తుందని ఆశిస్తున్నానని బాలయ్య చెప్పాడు. సంక్రాంతికి వచ్చిన తన సినిమాలన్నీ చాలా బాగా ఆడాయని.. ఆ కోవలోనే ‘జై సింహా’ కూడా పెద్ద విజయం సాధిస్తుందని బాలయ్య ఆశాభావం వ్యక్తం చేశాడు.
తానెప్పుడు కుర్రాడినే అని.. తనకు వయసుతో పని లేదని అన్న బాలయ్య.. ‘జై సింహా’ సినిమా కోసం చాలా కష్టపడి పని చేసినట్లు తెలిపాడు. తన ప్రతి సినిమాలోనూ అండర్ కరెంట్ గా ఏదో ఒక సందేశం ఉంటుందని.. అలాగే ‘జై సింహా’లో ప్రేమను అందరికీ పంచిపెట్టాలనే విషయాన్ని చెబుతున్నామని అన్నాడు. ‘జై సింహా’ అనేది మామూలు టైటిల్ కాదని.. తన తండ్రి ఎన్టీఆర్ నిర్మాతగా తొలి విజయాన్నందుకున్న సినిమా టైటిల్ ఇదే అని.. అలాగే తనకు కూడా ఈ సినిమా మంచి ఫలితాన్నిస్తుందని ఆశిస్తున్నానని బాలయ్య చెప్పాడు. సంక్రాంతికి వచ్చిన తన సినిమాలన్నీ చాలా బాగా ఆడాయని.. ఆ కోవలోనే ‘జై సింహా’ కూడా పెద్ద విజయం సాధిస్తుందని బాలయ్య ఆశాభావం వ్యక్తం చేశాడు.