పవన్‌ ఫ్యాన్‌.. సచిన్‌ మీద కోపమా?

''నువ్వు అనవసరంగా పవన్‌ అభిమానులను పాడుచేసి మిస్‌ డైరెక్టు చేస్తున్నావ్‌. నేను చెప్పినదంతా పవనిజం  పుస్తకంలోదే'' అని దర్శకుడు రామ్‌ గోపాల్‌ వర్మ పంచ్‌ లు వేస్తే.. ''మాకు పుస్తకాలు అక్కర్లేదు.. పవన్‌ లుక్‌ మాపై పడితే చాలు'' అంటూ నిర్మాత బండ్ల గణేష్‌ పూనకం వచ్చినట్లు ఊగిపోయాడు.. ఇదంతా ఆల్రెడీ చెప్పుకున్నాం. అయితే ఈ డిస్కషన్‌ చూస్తుంటే ఒక డౌట్‌ రాక మానదు.

''నిరక్షరాస్యుల కసం నా అక్షరాస్యతను లెవెల్‌ ను తగ్గించుకోలేను'' అని రామూ అన్నప్పుడు.. గణేష్‌ ఓ సెటైర్‌ వేశాడు.. ''మీరు బాగా చదువుకొని ఉండొచ్చు. కాని మాకు సంస్కారవంతమైన జీవితం ఇచ్చిన పవన్‌ వివేకవంతుడు'' అన్నాడు. పవన్‌ అభిమానులకు ఎంటర్‌ టైన్ మెంట్‌.. ఈయనకు డబ్బులు  ఇచ్చాడు కాని.. ఈ 'వివేకం' అనే చాప్టర్‌ ఏంటి కొత్తగా ఉంది? అనే సందేహం చాలామందికి వచ్చింది. కొందరు సన్నిహితులు ఏమంటున్నారంటే.. జస్టు పవన్‌ పేరును అడ్డుపెట్టుకొని గణేష్‌ కావాలనే రాద్దాంతం చేశాడట.

మనోడికి హీరో సచిన్‌ జోషీతో ఉన్న లీగల్‌ గొడవ తెలిసిందే. అయితే అప్పట్లో సచిన్‌ చాలా ఓపెన్‌ గానే ట్విట్టర్‌ లో గణేష్‌ ను బూతులు తిట్టాడు. అప్పుడు కూడా రెస్పాండ్‌ అవ్వని గణేష్‌ ఇప్పుడు రియక్టయ్యాడేంటి? నిజానికి సచిన్‌ జోషి ప్రొడక్షన్‌ లో సచిన్‌ హీరోగా..  ''ఎఫైర్‌'' అంటూ ఓ సినిమాను తీశాడు వర్మ. అప్పటినుండి సచిన్-వర్మలు చాలా క్లోజ్‌ అయ్యారట. అందుకే ఇప్పుడు సచిన్‌ ను డైరక్టు ఎటాక్‌ చేయకుండా మన పవన్‌ ఫ్యాన్‌ వర్మను టార్గెట్‌ చేశాడని అంటున్నారు.