బిగ్ బి మ‌న‌వరాలు సీక్రెట్ లీక్

బాలీవుడ్ లో న‌ట‌వార‌సురాళ్ల వెల్లువ గురించి తెలిసిందే. 2018లో శ్రీ‌దేవి న‌ట‌వార‌సురాలు జాన్వీ క‌పూర్, సైఫ్ ఖాన్ న‌ట‌వార‌సురాలు సారా అలీఖాన్ వెండితెర ఆరంగేట్రం చేశారు. జాన్వీ న‌టించిన ధ‌డ‌క్, సారా న‌టించిన `కేదార్ నాథ్` రిలీజ‌య్యాయి. ధ‌డ‌క్ హిట్ట‌యితే, కేదార్ నాథ్ ఫ‌లితం పై క్రిటిక్స్ పెద‌వి విరిచేసారు. అయితే వీళ్ల‌తో పాటే చుంకీ పాండే వార‌సురాలు అన‌న్య పాండే 2018-19 సీజ‌న్ లో ఎంట్రీ ఇస్తున్న సంగ‌తి తెలిసిందే. ఈ బ్యూటీ `స్టూడెంట్ ఆఫ్ ది ఇయ‌ర్` సీక్వెల్ లో న‌టిస్తోంది. క‌ర‌ణ్ జోహార్ ఈ చిత్రాన్ని తెర‌కెక్కిస్తున్నారు.

వీళ్ల సంద‌డి ఇలా ఉంటే, బిగ్ బి అమితాబ్ బ‌చ్చ‌న్ మ‌న‌వ‌రాలి సంద‌డి వేరొక‌లా ఉండ‌డం పైనా బాలీవుడ్ లో ఆస‌క్తిక‌ర వార్త‌లు వ‌స్తున్నాయి. బ‌చ్చ‌న్ జీ మ‌న‌వ‌రాలు న‌వ్య న‌వేళి నందా (కూతురుకి కూతురు) అంద‌చందాలు ఏ ఇత‌ర స్టార్ హీరోయిన్ కి తీసిపోవు. కానీ న‌వ్య డెబ్యూ మూవీ గురించి ఇంత‌వ‌ర‌కూ ప్ర‌చార‌మే లేదు. అయితే న‌వ్య‌న‌వేళి న‌టిస్తుందా.. లేదా? అన్న‌దాని పై బిగ్ బి కుటుంబం నుంచి స‌రైన ప్ర‌క‌ట‌న వెలువ‌డ‌లేదు. అయితే ఈ పార్టీ కిడ్ గురించి ర‌క‌ర‌కాల రూమ‌ర్లు పుట్టుకొస్తున్నాయి.

ఈ కుర్ర‌ బ్యూటీ స్నేహాల గురించి, పార్టీ కల్చ‌ర్ గురించి ముంబై స‌ర్కిల్స్ లో ఆస‌క్తిక‌ర చ‌ర్చ సాగుతోంది. న‌వ్య న‌వేళి ముంబై పార్టీల్లో ఫేజ్ 3 వ‌ర్గాన్ని అట్టుడికిస్తోంది. న‌వ్య నందా తాజాగా జావేద్ జ‌ఫేరీ కుమార్తె అల‌వియా జ‌ఫేరీతో పార్టీ చేసుకుంటున్న దృశ్యాలు ఫోటోల రూపంలో అంత‌ర్జాలంలోకి వ‌చ్చాయి. ఆ ఇద్ద‌రు భామ‌ల న‌డుమ అక్ష‌త్ రాజ‌న్ అనే చిలిపి కుర్రాడు ప్ర‌త్య‌క్ష‌మై వేడి పెంచాడు. అక్ష‌త్ తో ఇది వ‌ర‌కూ శ్రీ‌దేవి కుమార్తె జాన్వీ క‌పూర్ డేటింగ్ గురించి ప్ర‌ముఖంగా క‌థ‌నాలొచ్చాయి. అయితే ఆ డేటింగ్ వార్త‌ల్ని జాన్వీ ఖండించింది. టీనేజీ గ‌య్ అక్ష‌త్ ఇండ‌స్ట్రీ బెస్ట్ సెల‌బ్రిటీ డాట‌ర్స్ తో స్నేహం చేయ‌డం పైనా ఆస‌క్తిక‌ర చ‌ర్చ సాగుతోంది. ప్ర‌స్తుతం బిగ్ బి మ‌న‌వ‌రాలితోనూ అత‌డు స్నేహంగా ఉండ‌డంపైనా నెటిజ‌నుల్లో వేడెక్కించే చ‌ర్చ సాగుతోంది. బాలీవుడ్ లో అమితాబ్- అమీర్ ఖాన్- షారూక్ ఖాన్ వార‌సులు స్కూల్ స్నేహాల గురించి వేడెక్కించే డిబేట్ ర‌న్ అవుతోంది. షారూక్ వార‌సుడు ఆర్య‌న్ ఖాన్ సైతం న‌వ్య న‌వేళి నందాకు ఎంతో క్లోజ్.