మెగాస్టార్ స‌ర‌స‌న బాలీవుడ్ బ్యూటీ.. ఫిక్స్ అయిన‌ట్టేనా?

చిరు జోరు చూసి.. కుర్ర హీరోలు కూడా బేజార‌య్యేట్టున్నారు. వ‌రుస సినిమాల‌ను ప్ర‌క‌టిస్తూ.. అంత‌కు మించిన వేగంతో కంప్లీట్‌ చేస్తూ.. 80ల్లోని మెగాస్టార్ ను మ‌ళ్లీ ప‌రిచ‌యం చేస్తున్నారు! మొన్న ఆచార్య‌కు గుమ్మ‌డి కాయ కొట్టేసిన మెగాస్టార్‌.. లూసీఫ‌ర్ ను లైన్లోకి తీసుకున్న విష‌యం తెలిసిందే. ఇప్ప‌టికే స్క్రిప్టుకు గ్రీన్ సిగ్నల్ ఇవ్వ‌డంతో.. ఏప్రిల్ రెండో వారం నుంచి సెట్స్ పైకి వెళ్లేందుకు ఏర్పాట్లు చేస్తున్నారు మోహ‌న్ రాజా.

ఆ త‌ర్వాత జాబితాలో మెహ‌ర్ ర‌మేష్ సిద్ధంగా ఉన్నారు. లూసీఫ‌ర్ షూట్ కంప్లీట్ అవ్వ‌డ‌మే ఆల‌స్యం.. వేదాళం ప‌ట్టాలెక్క‌నుంది. చాలా స‌మ‌యం ఉండ‌డంతో స్క్రిప్టును అద్భుతంగా ప్లాన్ చేసుకుంటున్నాడు ద‌ర్శ‌కుడు. ఇది కూడా పూర్తికాగానే మ‌రో సినిమా సిద్ధంగా ఉంది!

కె.ఎస్. ర‌వీంద్ర‌తో ఓ సినిమాకు చిరు ప‌చ్చ‌జెండా ఊపిన సంగతి తెలిసిందే. ఫుల్ జోష్ లో ప్రీ ప్రొడ‌క్ష‌న్ ప‌నులు చూసుకుంటున్నాడు బాబీ. స్క్రిప్టు ను ప‌క‌డ్బందీగా ప్రిపేర్ చేస్తున్నాడు. అయితే.. ఈ సినిమాలో హీరోయిన్ గా ఎవ‌రిని తీసుకోవాల‌న్న‌దే ఇప్పుడు ప్ర‌శ్న‌.

వెట‌ర‌న్ స్టార్స్ కు ప్ర‌తీ సినిమా విష‌యంలో ఇదో స‌మ‌స్య‌గా మారింది. పెద్ద‌వాళ్లు ఫేడ్ అయిపోవ‌డం.. ఉన్న‌వాళ్లు మ‌రీ చిన్న‌వాళ్లుగా క‌నిపిస్తుండ‌డంతో మేక‌ర్స్ కు ఏం చేయాలో అర్థంకాట్లేదు. దీంతో.. ఇక్క‌డైతే ప‌నికాద‌ని బాలీవుడ్ పై క‌న్నేశాడ‌ట ద‌ర్శ‌కుడు.

చిరు స‌ర‌స‌న ఎవ‌రైతే బాగుంట‌ద‌ని వెతికి.. సోనాక్షి సిన్హాను ఎంచుకున్నార‌ట‌. మెగాస్టార్ కు ఈ విష‌యం చెప్పిన త‌ర్వాతే ముంబై ఫ్లైట్ ఎక్కార‌ని టాక్‌. మ‌రి, ఏం జ‌రుగుతుంద‌న్న‌ది చూడాలి. మైత్రి మూవీమేక‌ర్స్ నిర్మిస్తున్న ఈ చిత్రాన్ని.. వ‌చ్చే ఏడాది రిలీజ్ చేయాల‌ని ‌ప్లాన్ చేస్తున్నారు.