బోనాలు పండ‌గ‌ని టార్గెట్ చేశారు!

తెలంగాణ‌లో బోనాలు పండ‌గ‌కు ఉన్న విశిష్ఠ‌త గురించి తెలిసిందే. స్థానిక సంస్కృతిని సంప్ర‌దాయాన్ని ప్ర‌తిబింబిస్తూ ప్ర‌జ‌లు ఎంతో ఉత్సాహంగా జ‌రుపుకునే పండ‌గ ఇది. అయితే ఈసారి బోనాలుకి మ‌రో ప్ర‌త్యేక‌త‌ను ఆపాదిస్తోంది ఇస్మార్ట్ టీమ్. ఎన‌ర్జిటిక్ రామ్- పూరి జగన్నాథ్ కాంబినేషన్ లో తెరకెక్కిన‌ ఇస్మార్ట్ శంకర్ ఈనెల‌ 18న రిలీజ‌వుతున్న సంగ‌తి తెలిసిందే. ఇటీవ‌ల ప్ర‌చారంలో దూకుడు పెంచింది టీమ్. మొన్న రిలీజైన‌ ఇస్మార్ట్ టీజ‌ర్ జ‌నంలోకి దూసుకెళ్లింది. ఇస్మార్ట్ శంకర్ ప్రీ రిలీజ్ ఈవెంట్ ని  ఇస్మార్ట్ బోనాలు పేరుతో వ‌రంగ‌ల్ గరంలో గ్రాండ్ గా ప్లాన్ చేశార‌ని తెలుస్తోంది. జులై 7న హైగ్రీవాచారి మైదానం(వ‌రంగల్) లో ఇస్మార్ట్ బోనాలకు రంగం సిద్ధ‌మ‌వుతోంది.

అయితే ఇస్మార్ట్ టీమ్ బోనాలుని టార్గెట్ చేయ‌డానికి కార‌ణం .. ఇది పూర్తిగా నైజాం కుర్రాడి సినిమా. నైజాం భాష‌- యాస మాట్లాడే ప‌క్కా ఊర మాస్ కుర్రాడి క‌థ‌తో తెర‌కెక్కింది. టీజ‌ర్ - పోస్ట‌ర్ల‌లో రామ్ మాస్ అవ‌తారం నైజాంలో బాగా క‌నెక్ట‌య్యింది. మాస్ లోకి ఓ రేంజులో దూసుకెళ్లిపోయింది. అందుకే ప్ర‌మోష‌న్స్ కి తెలివిగా బోనాలుని ఉప‌యోగించుకుంటోంది ఇస్మార్ట్ టీమ్.

కొన్ని వ‌రుస ప‌రాజ‌యాల త‌ర్వాత రామ్ కి.. పూరి జ‌గ‌న్నాథ్ కి ఇది ఎంతో కీల‌క‌మైన సినిమా. అందుకే ప్ర‌చారం ప‌రంగా ఎక్క‌డా రాజీకి రావ‌డం లేదు. మునుముందు వైజాగ్ - తిరుప‌తి- విజ‌య‌వాడ లాంటి చోట్ల భారీగా ప్ర‌చార కార్య‌క్ర‌మాలు నిర్వ‌హించేందుకు టీమ్ ప్లాన్ చేస్తోంద‌ట‌. ఈ సినిమాకి రామ్ ఎన‌ర్జీతో పాటు.. నభా నటేష్.. నిధి అగర్వాల్ అంద‌చందాలు ప్ర‌త్యేక ఆక‌ర్ష‌ణ‌గా మారాయి. మ‌ణిశర్మ సంగీతం.. రీరికార్డింగ్ మ‌రో అస్సెట్. జూలై 18న  సినిమా ప్ర‌పంచ‌వ్యాప్తంగా రిలీజ్ చేసేందుకు పూరి టీమ్ ప్లాన్ చేస్తోంది.