రౌడీ స్టార్‌ ను బన్నీ మించేనా?

ఈమద్య కాలంలో స్టార్స్‌ స్టామినాను సోషల్‌ మీడియా ఫాలోవర్స్‌ ఆధారంగా కొలుస్తున్నారు అనడంలో సందేహం లేదు. పది మిలియన్‌ లకు పైగా ఫాలోవర్స్‌ ఉంటే వారిని పాన్‌ ఇండియా స్టార్స్‌ అంటున్నారు. బాలీవుడ్‌ స్టార్స్‌ తో పోటీ పడాలనుకుంటున్న సౌత్‌ స్టార్స్‌ సోషల్‌ మీడియా ఫాలోయింగ్‌ విషయంలో కాస్త వెనుకబడుతున్నారు అనడంలో సందేహం లేదు. ముఖ్యంగా బాలీవుడ్‌ స్టార్స్‌ ఇన్‌ స్టా గ్రామ్‌ లో భారీగా ఫాలోవర్స్‌ ను కలిగి ఉన్నారు. కాని సౌత్‌ లో విజయ్‌ దేవరకొండ 9 మిలియన్‌ ల ఫాలోవర్స్‌ టాప్‌. మొన్నటి వరకు అల్లు అర్జున్‌ సౌత్‌ లో టాప్‌ ఇన్‌ స్టా గ్రామ్‌ ఫాలోవర్స్‌ సంఖ్యను కలిగి ఉండేవారు. కాని ఇప్పుడు అది కాస్త రౌడీ స్టార్‌ విజయ్‌ దేవరకొండకు దక్కింది.

ప్రస్తుతం అల్లు అర్జున్‌ కు 8.8 మిలియన్స్‌ ఫాలోవర్స్‌ ఇన్‌ స్టా గ్రామ్‌ లో ఉన్నారు. ఇక విజయ్‌ దేవరకొండ ఇటీవలే 9 మిలియన్‌ లను క్రాస్‌ చేశాడు. అతి త్వరలోనే రౌడీ స్టార్‌ కోటి మంది ఫాలోవర్స్‌ జాబితాలో పడబోతున్నాడు. ఈ సమయంలో మళ్లీ రౌడీ స్టార్‌ ను క్రాస్‌ చేసేందుకు గాను బన్నీ అండ్‌ టీం తీవ్రంగా ప్రయత్నాలు చేస్తున్నారట. సోషల్ మీడియాలో ఎక్కువ దృష్టి పెట్టి మరీ బన్నీ రెగ్యులర్‌ అప్‌ డేట్స్‌ ను ఇస్తున్నారట. వారి పట్టుదల చూస్తుంటే రౌడీ స్టార్‌ ను ఇన్‌ స్టాలో బీట్‌ చేసి మళ్లీ బన్నీని నెం.1 గా నిలపాలని భావిస్తున్నట్లుగా అనిపిస్తుంది. బన్నీ అభిమానులు కూడా అదే కోరుకుంటున్నారు. మరి అది జరిగేనా అంటే కష్టమే అన్నట్లుగా విశ్లేషకులు అభిప్రాయం వ్యక్తం చేస్తున్నారు.