తొలిరోజు క‌లెక్ష‌న్లు...`చిల్` మోహ‌న్ రంగ‌!

నితిన్, మేఘా ఆకాష్ ల కాంబోలో కృష్ణ చైత‌న్య తెర‌కెక్కించిన `ఛల్ మోహన్ రంగ` ప్రేక్ష‌కుల‌ను ఆక‌ట్టుకుంటోంది. `రంగ‌స్థలం` హ్యాంగోవ‌ర్ లో ఉన్న టాలీవుడ్ కు నితిన్ మ‌రో హిట్ అందించాడు. ఈ సినిమా విడుద‌లైన మొదటి రోజు ప్రపంచవ్యాప్తంగా 4కోట్ల రూపాయల షేర్ వ‌సూలు చేసి హిట్ టాక్ సొంతం చేసుకుంది. అయితే, ఆంధ్రప్రదేశ్ లో మెజారిటీ థియేట‌ర్ల‌ను రంగ‌స్థలం ఆక్యుపై చేయ‌డంతో నితిన్ కు నిరాశ ఎదురైంది. ఏపీలో `ఛ‌ల్ మోహ‌న్ రంగ‌`కు త‌క్కువ థియేట‌ర్లు దొరికాయి. ఈ చిత్ర నిర్మాత సుధాక‌ర్ రెడ్డి త‌నకున్న ప‌రిచ‌యాల‌తో నైజాంలో  ఆ సినిమా కోసం 170స్క్రీన్లు ఏర్పాటు చేశాడు. అ..ఆ త‌ర్వాత నితిన్ కెరీర్ లో రెండో బిగ్గెస్ట్ ఓపెనర్ గా నిలిచిన ఈ సినిమాకు మొద‌టిరోజు తెలుగు రాష్ట్రాల్లో 2కోట్ల 83లక్షల షేర్ వ‌చ్చింది. అయితే, ఆ మొత్తంలో కోటి రూపాయలకు పైగా నైజాం నుంచి క‌లెక్ట్ కావ‌డం విశేషం. ఏరియాలవారిగా తొలిరోజు క‌లెక్ష‌న్ల వివరాలు......

నైజాం – రూ. 1.06 కోట్లు
సీడెడ్ – రూ. 0.40 కోట్లు
ఉత్తరాంధ్ర – రూ. 0.41 కోట్లు
ఈస్ట్ – రూ. 0.18 కోట్లు
వెస్ట్ – రూ. 0.20 కోట్లు
గుంటూరు – రూ. 0.24 కోట్లు
కృష్ణా – రూ. 0.23 కోట్లు
నెల్లూరు – రూ. 0.11 కోట్లు

`ఛ‌ల్ మోహ‌న్ రంగ‌` తొలిరోజు మొత్తం షేర్: రూ.2.83 కోట్లు